2ജി, 3​ജി ടെ​ലി​ക​മ്യൂ​ണി​ക്കേ​ഷ​ൻ ഉ​പ​ക​ര​ണ ഇ​റ​ക്കു​മ​തി നി​രോ​ധി​ക്കു​ന്നു

കു​വൈ​ത്ത്​ സി​റ്റി: രാ​ജ്യ​ത്ത് 2ജി, 3​ജി ടെ​ലി​ക​മ്യൂ​ണി​ക്കേ​ഷ​ൻ ഉ​പ​ക​ര​ണ​ങ്ങ​ളു​ടെ ഇ​റ​ക്കു​മ​തി നി​രോ​ധി​ക്കു​ന്നു. ഈ ​വ​ർ​ഷം സെ​പ്റ്റം​ബ​ര്‍ ഒ​ന്നു മു​ത​ൽ നി​രോ​ധ​നം പ്രാ​ബ​ല്യ​ത്തി​ൽ വ​രു​മെ​ന്ന് അ​ധി​കൃ​ത​ര്‍ അ​റി​യി​ച്ചു. ഇ​തോ​ടെ 2ജി, 3​ജി മൊ​ബൈ​ല്‍ ഉ​ൽ​പ​ന്ന​ങ്ങ​ളു​ടെ ഇ​റ​ക്കു​മ​തി​ക്ക് നി​രോ​ധ​നം നി​ല​വി​ൽ വ​രു​മെ​ന്ന് ക​മ്യൂ​ണി​ക്കേ​ഷ​ൻ​സ് ആ​ൻ​ഡ് ഇ​ൻ​ഫ​ർ​മേ​ഷ​ൻ ടെ​ക്നോ​ള​ജി റെ​ഗു​ലേ​റ്റ​റി അ​തോ​റി​റ്റി ചെ​യ​ർ​മാ​ൻ ഒ​മ​ർ അ​ൽ ഒ​മ​ർ അ​റി​യി​ച്ചു.

2ജി, 3​ജി ടെ​ക്നോ​ള​ജി​യി​ല്‍ പ്ര​വ​ർ​ത്തി​ക്കു​ന്ന പെ​രി​ഫ​റ​ൽ ക​മ്യൂ​ണി​ക്കേ​ഷ​ൻ ഉ​പ​ക​ര​ണ​ങ്ങ​ള്‍ക്ക് സെ​പ്റ്റം​ബ​ർ ഒ​ന്നോ​ടെ വി​ല​ക്ക് നി​ല​വി​ല്‍വ​രു​മെ​ന്ന് പ്രാ​ദേ​ശി​ക മാ​ധ്യ​മ​മാ​യ അ​ല്‍ അ​ന്‍ബ റി​പ്പോ​ര്‍ട്ട് ചെ​യ്തു. മൊ​ബൈ​ൽ ത​ല​മു​റ 5ജി​യും ക​ട​ന്ന് മു​ന്നോ​ട്ടു​പോ​കു​ന്ന സാ​ഹ​ച​ര്യ​ത്തി​ലാ​ണ് ര​ണ്ടാം, മൂ​ന്നാം ത​ല​മു​റ ടെ​ലി​ക​മ്യൂ​ണി​ക്കേ​ഷ​ൻ ഉ​പ​ക​ര​ണ​ങ്ങ​ളു​ടെ ഇ​റ​ക്കു​മ​തി​ക്ക് വി​ല​ക്കേ​ര്‍പ്പെ​ടു​ത്തു​ന്ന​ത്.

അ​തേ​സ​മ​യം, രാ​ജ്യ​ത്തെ ടെ​ലി​കോം ദാ​താ​ക്ക​ള്‍ 2ജി, 3​ജി നെ​റ്റ്‌​വ​ർ​ക്കു​ക​ൾ ഘ​ട്ടം​ഘ​ട്ട​മാ​യി നി​ര്‍ത്തു​മെ​ന്നാ​ണ് സൂ​ച​ന. അ​ടു​ത്ത മാ​സ​ത്തോ​ടെ ഒ​റി​ഡോ മൊ​ബൈ​ല്‍ 3ജി ​സ​ര്‍വി​സും ഈ ​വ​ര്‍ഷം അ​വ​സാ​ന​ത്തോ​ടെ 2ജി ​സ​ര്‍വി​സും അ​വ​സാ​നി​പ്പി​ക്കു​മെ​ന്ന് നേ​ര​ത്തേ അ​റി​യി​ച്ചി​രു​ന്നു. രാ​ജ്യ​ത്തെ മ​റ്റ് ടെ​ലി​കോം ദാ​താ​ക്ക​ളും ഉ​ട​ന്‍ ര​ണ്ടാം, മൂ​ന്നാം ത​ല​മു​റ ടെ​ലി​ക​മ്യൂ​ണി​ക്കേ​ഷ​ൻ ഉ​പ​ക​ര​ണ​ങ്ങ​ളു​ടെ സേ​വ​ന​ങ്ങ​ള്‍ നി​ർ​ത്തു​മെ​ന്നും റി​പ്പോ​ര്‍ട്ടു​ക​ളു​ണ്ട്. 2ജി, 3​ജി നെ​റ്റ്‌​വ​ർ​ക്കു​ക​ൾ നി​ര്‍ത്തു​ന്ന​തോ​ടെ രാ​ജ്യ​ത്തെ ടെ​ലി​കോം ക​മ്പ​നി​ക​ള്‍ക്ക് നൂ​ത​ന സാ​ങ്കേ​തി​ക​വി​ദ്യ​ക​ളി​ലേ​ക്കു​ള്ള നി​ക്ഷേ​പം വ​ർ​ധി​പ്പി​ക്കാ​ന്‍ സാ​ധി​ക്കും. 1992ലാ​ണ് കു​വൈ​ത്തി​ല്‍ 2ജി ​നെ​റ്റ്‍വ​ര്‍ക്ക് സം​വി​ധാ​നം നി​ല​വി​ൽ വ​ന്ന​ത്..