ദീ​നാ​ർ വി​നി​മ​യ നി​ര​ക്കി​ൽ വ​ൻ കു​തി​പ്പ്; നാ​ട്ടി​ലേ​ക്ക് പ​ണ​മ​യ​ക്കാ​ൻ ന​ല്ല സ​മ​യം

കു​വൈ​ത്ത് സി​റ്റി: ഇ​ന്ത്യ​ൻ രൂ​പ​യു​മാ​യു​ള്ള കു​വൈ​ത്ത് ദീ​നാ​റി​ന്റെ വി​​നി​​മ​​യ നി​​ര​​ക്ക് ഉ​​യ​​ർ​​ന്ന നി​ല​യി​ൽ. ദി​വ​സ​ങ്ങ​ളാ​യി ഒ​രു ദീ​നാ​റി​ന് 272 ഇ​ന്ത്യ​ൻ രൂ​പ​ക്ക് മു​ക​ളി​ലാ​ണ് നി​ര​ക്ക്. ക​ഴി​ഞ്ഞ ദി​വ​സ​ങ്ങ​ളി​ൽ ഇ​ത് 273ലേ​ക്ക് ഉ​യ​ർ​ന്നു. അ​​ടു​​ത്തി​​ടെ ല​​ഭി​​ച്ച ഏ​​റ്റ​​വും ഉ​​യ​​ർ​​ന്ന നി​​ര​​ക്കാ​​ണി​​ത്.

ഇ​ന്ത്യ​ൻ രൂ​പ ശ​ക്തി​കു​റ​ഞ്ഞ​തും ഡോ​ള​ർ ക​രു​ത്താ​ർ​ജി​ച്ച​തു​മാ​ണ് കു​വൈ​ത്ത് ദീ​നാ​റി​ന്റെ വി​​നി​​മ​​യ നി​​ര​​ക്കി​​ലെ വ​​ര്‍ധ​ന​ക്ക്​ കാ​ര​ണം. ഒ​​രു കു​​വൈ​​ത്ത് ദീ​​നാ​​റി​​ന് ശ​​രാ​​ശ​​രി 270 ഇ​​ന്ത്യ​​ൻ രൂ​​പ ല​​ഭി​​ച്ചി​​രു​​ന്ന​​ത് ഇ​ന്ത്യ​യി​ൽ പ​ണ​പ്പെ​രു​പ്പം കൂ​ടി​യ​തോ​ടെ നി​​ല​​വി​​ൽ 271ന് ​​മു​​ക​​ളി​​ൽ രേ​ഖ​പ്പെ​ടു​ത്തു​ന്നു​ണ്ട്. ര​​ണ്ടു ദി​​വ​​സം മു​​മ്പ് 272ന് ​മു​ക​ളി​ൽ നി​ര​ക്കെ​​ത്തി. നി​​ര​​ക്ക് ഉ​​യ​​ർ​​ന്ന​​തോ​​ടെ വി​​നി​​മ​​യ സ്ഥാ​​പ​​ന​​ങ്ങ​​ളി​​ൽ വ​ൻ തി​​ര​​ക്കാ​​ണ്. ഉ​​പ​​ഭോ​​ക്താ​​ക്ക​​ൾ കൈ​യി​ലു​ള്ള തു​ക നാ​ട്ടി​ലേ​ക്ക​യ​ക്കാ​നു​ള​ള ശ്ര​മ​ത്തി​ലാ​ണ്. നി​​ര​​ക്ക് ഉ​​യ​​രു​​ന്ന​​ത് ചെ​​റി​​യ തു​​ക​​ക​​ൾ നാ​​ട്ടി​​ൽ അ​​യ​​ക്കു​​ന്ന​​വ​​രെ കാ​​ര്യ​​മാ​​യി ബാ​​ധി​​ക്കി​​ല്ലെ​​ങ്കി​​ലും വ​​ലി​​യ സം​​ഖ്യ​​ക​​ൾ ഒ​​ന്നി​​ച്ച് അ​​യ​​ക്കു​​ന്ന​​വ​​ർ​​ക്ക് ഏ​​റെ മെ​​ച്ച​​മു​​ണ്ടാ​ക്കും.

ഡോ​​ള​​ർ ശ​​ക്ത​​മാ​​യ​​താ​​ണ് രൂ​​പ​​യു​​ടെ മൂ​​ല്യം കു​​റ​​യാ​​ൻ പ്ര​​ധാ​​ന കാ​​ര​​ണം. യു.​എ​സി​ൽ നി​​ക്ഷേ​​പ​​ക​​ർ കൂ​​ടു​​ത​​ൽ ഡോ​​ള​​റു​​ക​​ൾ വാ​​ങ്ങു​​ന്ന​താ​ണ് ഡോ​ള​ർ ക​രു​ത്താ​ർ​ജി​ക്കാ​ൻ കാ​ര​ണം. ചൈ​​നീ​​സ് ക​​റ​​ൻ​​സി​​യാ​​യ യു​​വാ​​ൻ ശ​​ക്തി കു​​റ​​ഞ്ഞ​​തും ഡോ​​ള​​റി​​ന് അ​​നു​​കൂ​​ല ഘ​​ട​​ക​​മാ​​യി.