മാർ ബസേലിയോസ് യൂത്ത് അസോസിയേഷനും ബി.ഡി.കെയും രക്തദാനക്യാമ്പ് സംഘടിപ്പിച്ചു

കു​വൈ​ത്ത്​ സി​റ്റി: സെൻറ്​ ജോ​ർ​ജ് യൂ​നി​വേ​ഴ്സ​ൽ സി​റി​യ​ൻ ഓ​ർ​ത്ത​ഡോ​ക്സ് റീ​ഷ് ച​ർ​ച്ചി​െൻറ യു​വ​ജ​ന വി​ഭാ​ഗ​മാ​യ മാ​ർ ബ​സേ​ലി​യോ​സ് യൂ​ത്ത് അ​സോ​സി​യേ​ഷ​നും ബി.​ഡി.​കെ കു​വൈ​ത്ത്​ ചാ​പ്റ്റ​റും സം​യു​ക്ത​മാ​യി ര​ക്ത​ദാ​ന​ക്യാ​മ്പ് സം​ഘ​ടി​പ്പി​ച്ചു.

ഇ​ന്ത്യ-​കു​വൈ​ത്ത്​ ന​യ​ത​ന്ത്ര ബ​ന്ധ​ത്തി​െൻറ 60ാം വാ​ർ​ഷി​കാ​ഘോ​ഷ​ത്തി​െൻറ​യും ഇ​ന്ത്യ​യു​ടെ 75ാം സ്വാ​ത​ന്ത്ര്യ വാ​ർ​ഷി​കാ​ഘോ​ഷ​ങ്ങ​ളു​ടെ​യും ഭാ​ഗ​മാ​യാ​ണ് സെ​ൻ​ട്ര​ൽ ബ്ല​ഡ് ബാ​ങ്കി​െൻറ സ​ഹ​ക​ര​ണ​ത്തോ​ടെ ക്യാ​മ്പ് സം​ഘ​ടി​പ്പി​ച്ച​ത്. അ​ദാ​ൻ ബ്ല​ഡ് ബാ​ങ്കി​ൽ വെ​ള്ളി​യാ​ഴ്‌​ച രാ​വി​ലെ ഒ​മ്പ​തു​മു​ത​ൽ ഉ​ച്ച​ക്ക് ഒ​ന്നു​വ​രെ സം​ഘ​ടി​പ്പി​ച്ച ക്യാ​മ്പി​ൽ 50ൽ​പ​രം പേ​ർ ര​ക്തം ന​ൽ​കി. ച​ർ​ച്ച് വി​കാ​രി ഫാ. ​ജി​ബു ചെ​റി​യാ​ൻ ര​ക്തം ന​ൽ​കി ഉ​ദ്​​ഘാ​ട​നം നി​ർ​വ​ഹി​ച്ചു.

മ​നോ​ജ്‌ മാ​വേ​ലി​ക്ക​ര, ജ​യി​ൻ കു​ര്യ​ൻ, ബാ​ബു എ​ബ്ര​ഹാം ജോ​ൺ, അ​ജീ​ഷ് പോ​ൾ തു​ട​ങ്ങി​യ​വ​ർ ര​ക്ത​ദാ​താ​ക്ക​ളെ അ​ഭി​ന​ന്ദി​ച്ച്​ സം​സാ​രി​ച്ചു. ക്യാ​മ്പ് വി​ജ​യ​ക​ര​മാ​യി സം​ഘ​ടി​പ്പി​ച്ച​തി​ന് മാ​ർ ബ​സേ​ലി​യോ​സ് യൂ​ത്ത് അ​സോ​സി​യേ​ഷ​നു​ള്ള പ്ര​ശം​സാ ഫ​ല​കം രാ​ജ​ൻ തോ​ട്ട​ത്തി​ൽ ബി.​ഡി.​കെ കൈ​മാ​റി. ജി​തി​ൻ ബി.​ഡി.​കെ സ്വാ​ഗ​ത​വും എം.​ബി.​വൈ.​എ സെ​ക്ര​ട്ട​റി എ​മി​ൽ മോ​ൻ മാ​ത്യു ന​ന്ദി​യും പ​റ​ഞ്ഞു.

ബി.​ഡി.​കെ കോ​ഓ​ഡി​നേ​റ്റ​ർ​മാ​രാ​യ ബി​ജി മു​ര​ളി, ജി​തി​ൻ ജോ​സ്, ദീ​പു ച​ന്ദ്ര​ൻ എ​ന്നി​വ​ർ പ​രി​പാ​ടി​ക​ൾ ഏ​കോ​പി​പ്പി​ച്ചു. ബി.​ഡി.​കെ പ്ര​വ​ർ​ത്ത​ക​രാ​യ പി.​സി. മു​നീ​ർ, ജോ​ബി ബേ​ബി, ന​ളി​നാ​ക്ഷ​ൻ, ശ​ര​ത് കാ​ട്ടൂ​ർ, വി​നോ​ദ് കു​മാ​ർ, ബീ​ന, ജോ​ളി, ജി​തി​ൻ പൊ​ന്താ​സ് എ​ന്നി​വ​ർ ക്യാ​മ്പി​ന് നേ​തൃ​ത്വം ന​ൽ​കി. കു​വൈ​ത്തി​ൽ ര​ക്ത​ദാ​ന​ക്യാ​മ്പു​ക​ളും ബോ​ധ​വ​ത്​​ക​ര​ണ പ​രി​പാ​ടി​ക​ളും സം​ഘ​ടി​പ്പി​ക്കാ​ൻ താ​ൽ​പ​ര്യ​മു​ള്ള സം​ഘ​ട​ന​ക​ളും സ്ഥാ​പ​ന​ങ്ങ​ളും ര​ക്തം ആ​വ​ശ്യ​മാ​യി വ​രു​ന്ന അ​ടി​യ​ന്ത​ര സാ​ഹ​ച​ര്യ​ങ്ങ​ളി​ലും 69997588, 51510076 എ​ന്നീ ന​മ്പ​റു​ക​ളി​ൽ ബ​ന്ധ​പ്പെ​ടാം. ക്യാ​മ്പി​ൽ പ​ങ്കെ​ടു​ത്ത എ​ല്ലാ​വ​ർ​ക്കും സ​ർ​ട്ടി​ഫി​ക്ക​റ്റു​ക​ൾ വി​ത​ര​ണം ചെ​യ്തു.