ഹുക്ക വിലക്കിനെതിരെ പ്രതിഷേധവുമായി കഫെ ഉടമകൾ

കുവൈത്ത്​ സിറ്റി: ഹുക്ക വിലക്കിനെതിരെ 20 കഫെ ഉടമകൾ പ്രതിഷേധിച്ചു. ആരോഗ്യ മന്ത്രാലയം ആസ്ഥാനത്തിന്​ സമീപം സമാധാനപരമായാണ്​ പ്രതിഷേധിച്ചത്​.കോവിഡ്​ പ്രതിരോധത്തിനായി ഏർപ്പെടുത്തിയ നിയന്ത്രണങ്ങൾ ഇളവ്​ ചെയ്​ത്​ കഫെകൾ തുറക്കാൻ അനുവദിച്ചിട്ടുണ്ടെങ്കിലും ശീഷ (ഹുക്ക) അനുമതി നൽകിയിട്ടില്ല. ഇത്​ നഷ്​ടത്തിന്​ കാരണമാവുന്നതായി പ്രതിഷേധക്കാർ ചൂണ്ടിക്കാട്ടി. നിരോധനം മറികടന്ന്​ ഹുക്ക വലിക്ക്​ സൗകര്യം ചെയ്​ത നിരവധി റെസ്​റ്റാറൻറുകളുടെ ഫയൽ അധകൃതർ മരവിപ്പിച്ചു. ഇതുകാരണം ഇവർക്ക്​ ലൈസൻസ്​ പുതുക്കാമോ ജീവനക്കാരുടെ വർക്ക്​ പെർമിറ്റ്​ പുതുക്കാനോ സാധിക്കുന്നില്ല.

5000ത്തോളം കഫെകളെ ആരോഗ്യ മന്ത്രാലയത്തി​െൻറ തീരുമാനം ബാധിച്ചിട്ടുണ്ടെന്നും ഇവർക്ക്​ നഷ്​ടപരിഹാരം ആവശ്യപ്പെട്ട്​ കോടതിയെ സമീപിക്കുമെന്നും സമരക്കാരിലൊരാൾ പ്രതികരിച്ചു.