ഗ​സ്സ​യി​ലെ കു​ട്ടി​ക​ൾ​ക്ക് പെ​രു​ന്നാ​ൾ വ​സ്ത്ര​ങ്ങ​ളു​മാ​യി ന​മാ ചാ​രി​റ്റി

കു​വൈ​ത്ത് സി​റ്റി: ഇ​സ്രാ​യേ​ൽ ആ​ക്ര​മ​ണ​വും ഉ​പ​രോ​ധ​വും മൂ​ലം ദു:​സ്സ​ഹ​മാ​യ സാ​ഹ​ച​ര്യ​ത്തി​ലൂ​ടെ ക​ട​ന്നു​പോ​കു​ന്ന ഗ​സ്സ നി​വാ​സി​ക​ൾ​ക്ക് പെ​രു​ന്നാ​ൾ സ​ന്തോ​ഷ​വു​മാ​യി ന​മാ ചാ​രി​റ്റി.

ഗ​സ്സ​യി​ലെ 1,000 ത്തി​ല​ധി​കം ഫ​ല​സ്തീ​ൻ കു​ട്ടി​ക​ൾ​ക്ക് സം​ഘ​ട​ന ഈ​ദ് വ​സ്ത്ര​ങ്ങ​ൾ വി​ത​ര​ണം ചെ​യ്തു. വ​ഫാ അ​സോ​സി​യേ​ഷ​ൻ ഫോ​ർ ഡെ​വ​ല​പ്‌​മെ​ന്റ് ആ​ൻ​ഡ് ക​പ്പാ​സി​റ്റി ബി​ൽ​ഡി​ങു​മാ​യി സ​ഹ​ക​രി​ച്ചാ​യി​രു​ന്നു വി​ത​ര​ണം. മാ​ന്യ​മാ​യ ജീ​വി​ത​ത്തി​ന് അ​ടി​സ്ഥാ​ന വ​സ്തു​ക്ക​ൾ ഇ​ല്ലാ​ത്ത ഗ​സ്സ​യി​ലെ കു​ട്ടി​ക​ളു​ടെ സാ​ഹ​ച​ര്യം ക​ണ​ക്കി​ലെ​ടു​ത്താ​ണ് ഈ​ദ് വ​സ്ത്ര പ​ദ്ധ​തി.

ന​മാ ന​ട​പ്പി​ലാ​ക്കു​ന്ന വി​വി​ധ മാ​നു​ഷി​ക സം​രം​ഭ​ങ്ങ​ളു​ടെ ഒ​രു ഭാ​ഗ​മാ​ണ് ഇ​തെ​ന്നും ചാ​രി​റ്റി പ്രോ​ജ​ക്ട് ആ​ൻ​ഡ് ഡെ​വ​ല​പ്‌​മെ​ന്റ് മേ​ധാ​വി വാ​ലി​ദ് അ​ൽ ബ​സ്സാം പ​റ​ഞ്ഞു. നമാ ചാ​രി​റ്റി​യു​മാ​യു​ള്ള പ​ങ്കാ​ളി​ത്ത​ത്തെ പ്ര​ശം​സി​ച്ച വ​ഫാ അ​സോ​സി​യേ​ഷ​ൻ ഡ​യ​റ​ക്ട​ർ മ​ർ​വാ​ൻ മു​ഹൈ​സെ​ൻ ഗ​സ്സ​യി​ലെ കു​ട്ടി​ക​ൾ​ക്ക് വ​ള​രെ സ​ന്തോ​ഷം ന​ൽ​കു​ന്ന പ​ദ്ധ​തി​യാ​ണ് ന​ട​പ്പി​ലാ​ക്കി​യ​തെ​ന്നും പ​റ​ഞ്ഞു.

ഇ​ല്ലാ​യ്മ​യി​ൽ ക​ഴി​യു​ന്ന കു​ട്ടി​ക​ളു​ടെ മ​ന​സ്സി​നെ ഈ ​വ​സ്ത്ര​ങ്ങ​ൾ സ​ന്തോ​ഷ​ത്താ​ൽ ഉ​യ​ർ​ത്തി. അ​വ​രി​ൽ വ​ലി​യ ആ​ഹ്ലാ​ദ​വും സ്വാ​ധീ​ന​വും ചെ​ലു​ത്തി.

ഇ​രു​ട്ടി​ന്റെ ന​ടു​വി​ൽ ക​ഴി​യു​ന്ന കു​ട്ടി​ക​ൾ​ക്ക് ഈ​ദ് ദി​ന​ത്തി​ൽ ചാ​രി​റ്റി ഒ​രു പ്ര​കാ​ശ​കി​ര​ണ​മാ​യെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.