കുവൈത്തിലേക്ക്​ വരുന്ന വാഹനങ്ങളും ഉപകരണങ്ങളും അണുവിമുക്​തമാക്കുന്നു

കുവൈത്ത്​ സിറ്റി: കുവൈത്തിലേക്ക്​ പ്രവേശിക്കുന്ന വാഹനങ്ങളും ഉപകരണങ്ങളും അണുവിമുക്​തമാക്കുന്നു. ഇതിനായി സൽ മി, നുവൈസീബ്​ അതിർത്തി ചെക്​ പോസ്​റ്റുകളിലും കുവൈത്ത്​ അന്താരാഷ്​ട്ര വിമാനത്താവളത്തിലും കുവൈത്ത്​ അഗ്​നിശ മന സേന സന്നാഹങ്ങൾ ഒരുക്കിയിട്ടുണ്ട്​.

കര അതിർത്തികളിൽ ഡിസ്​ഇൻഫെക്​ടിങ്​ സ്​റ്റാൻഡ്​ സ്ഥാപിച്ചിട്ടുണ്ട്​. കൊറോണ വൈറസ്​ പുറത്തുനിന്ന്​ രാജ്യത്ത്​ എത്തുന്നത്​ തടയാനാണ്​ വാഹനങ്ങളും ഉപകരണങ്ങളും അണുവിമുക്​തമാക്കാൻ ആരംഭിച്ചത്​. രാജ്യത്തിനകത്തെ തെരുവുകളും റോഡുകളും അണുവിമുക്​തമാക്കുന്ന പ്രക്രിയ പുരോഗമിക്കുകയാണ്​​.