വ്യാ​ജ ഉ​ൽ​പ​ന്ന​ങ്ങ​ൾ: 72 ക​ട​ക​ൾ അ​ട​പ്പി​ച്ചു

കു​വൈ​ത്ത്​ സി​റ്റി: കു​വൈ​ത്തി​ൽ പ്ര​മു​ഖ ബ്രാ​ൻ​ഡു​ക​ളു​ടെ വ്യാ​ജ ഉ​ൽ​പ​ന്ന​ങ്ങ​ൾ വി​ൽ​പ​ന ന​ട​ത്തി​യ 72 ക​ട​ക​ൾ അ​ട​പ്പി​ച്ചു. വാ​ണി​ജ്യ മ​ന്ത്രാ​ല​യം ഉ​ദ്യോ​ഗ​സ്ഥ​ർ ഫ​ഹാ​ഹീ​ലി​ൽ ന​ട​ത്തി​യ പ​രി​ശോ​ധ​ന​യി​ലാ​ണ്​ നി​യ​മ​ലം​ഘ​ന​ങ്ങ​ൾ പി​ടി​കൂ​ടി​യ​ത്. കോ​വി​ഡ്​ മാ​ർ​ഗ​നി​ർ​ദേ​ശ​ങ്ങ​ൾ പാ​ലി​ക്കാ​ത്ത സ്ഥാ​പ​ന​ങ്ങ​ൾ​ക്ക്​ മു​ന്ന​റി​യി​പ്പ്​ ന​ൽ​കി.

അ​ന്താ​രാ​ഷ്​​ട്ര ബ്രാ​ൻ​ഡു​ക​ളു​ടെ വ്യാ​ജ ഉ​ൽ​പ​ന്ന​ങ്ങ​ളാ​ണ്​ പി​ടി​ച്ചെ​ടു​ത്ത​ത്. ഫോ​ണു​ക​ള്‍, ബാ​ഗു​ക​ള്‍, വാ​ച്ച്, വ​സ്ത്ര​ങ്ങ​ള്‍, സ്ത്രീ​ക​ളു​ടെ ആ​ഭ​ര​ണ​ങ്ങ​ള്‍, വാ​ഹ​ന​ങ്ങ​ളു​ടെ സ്​​പെ​യ​ർ​പാ​ർ​ട്​​സു​ക​ൾ തു​ട​ങ്ങി​യ​വ​യാ​ണ്​ പി​ടി​കൂ​ടി​യ​ത്. യ​ഥാ​ർ​ഥ ബ്രാ​ൻ​ഡ്​ ഉ​ൽ​പ​ന്ന​ങ്ങ​ൾ സം​ര​ക്ഷി​ക്കു​ന്ന​തി​െൻറ ഭാ​ഗ​മാ​യി ഇ​ത്ത​രം വ്യാ​ജ ഉ​ൽ​പ​ന്ന​ങ്ങ​ൾ വി​ൽ​ക്കു​ന്ന​വ​ര്‍ക്കെ​തി​രെ ശ​ക്ത​മാ​യ ന​ട​പ​ടി​യെ​ടു​ക്കു​മെ​ന്ന്​ അ​ധി​കൃ​ത​ർ വ്യ​ക്ത​മാ​ക്കി.

പേ​റ്റ​ൻ​റു​മാ​യി ബ​ന്ധ​പ്പെ​ട്ട പ്രാ​ദേ​ശി​ക അ​ന്ത​ര്‍ദേ​ശീ​യ നി​യ​മ​ങ്ങ​ള്‍ പാ​ലി​ക്കാ​ത്ത നി​ര​വ​ധി വ്യാ​ജ സാ​ധ​ന​ങ്ങ​ള്‍ വി​ല്‍ക്കു​ന്ന​തു​മാ​യി ബ​ന്ധ​പ്പെ​ട്ട വി​വ​ര​ത്തെ തു​ട​ര്‍ന്നാ​ണ് വാ​ണി​ജ്യ വ്യ​വ​സാ​യ വ​കു​പ്പ്​ അ​ധി​കൃ​ത​ര്‍ ജാ​ഗ്ര​ത​യി​ലാ​ണ്. രാ​ജ്യ​ത്ത്​ ട്രേ​ഡ്​ മാ​ർ​ക്ക്​ മോ​ഷ​ണം സം​ബ​ന്ധി​ച്ച്​ നി​ര​വ​ധി പ​രാ​തി​ക​ൾ ല​ഭി​ക്കു​ന്നു​ണ്ട്. ഇ​തി​ന്​ രാ​ജ്യ​ത്തെ നി​യ​മ​​വ്യ​വ​സ്ഥ അ​നു​സ​രി​ച്ച്​ ഒ​ന്നു​മു​ത​ൽ മൂ​ന്നു​വ​ർ​ഷം വ​രെ ത​ട​വ് ല​ഭി​ക്കും.