കോവിഡ്​ വ്യാപനം: സ്ഥിരതയുടെ സെപ്​റ്റംബർ, നിർണായകം നവംബർ

കുവൈത്ത്​ സിറ്റി: കോവിഡ്​ വ്യാപനത്തിൽ നവംബർ നിർണായകമാവുമെന്ന്​ വിലയിരുത്തൽ. സെപ്​റ്റംബറിൽ പൊതുവെ സ്ഥിരത കാണിച്ചു. പുതിയ കേസുകൾ റിപ്പോർട്ട്​ ചെയ്​തതും രോഗമുക്​തിയും ഏകദേശം തുല്യമായിരുന്നു. ഒക്​ടോബറിലും ഇതുവരെ ഇതേ നിലയാണുള്ളത്​. കുറെ ദിവസം കൂടി ഇതേനില തുടർന്നേക്കും.

ആഗസ്​റ്റിനെ അപേക്ഷിച്ച്​ സെപ്​റ്റംബറിൽ പുതിയ കേസുകൾ കുറവുണ്ട്​. രോഗമുക്​തിയിൽ ഒരു ശതമാനം വർധനയും രേഖപ്പെടുത്തി. സെപ്​റ്റംബറിൽ 19,494 പേർ രോഗമുക്​തരായി. ഇത്​ ഇതുവരെയുള്ള ​രോഗമുക്​തിയുടെ 20 ശതമാനം വരും. മരണനിരക്കും കഴിഞ്ഞ മാസം ആറ്​ ശതമാനം കുറഞ്ഞു. കഴിഞ്ഞ മാസം 79 പേർ കോവിഡ്​ ബാധിച്ച്​ മരിച്ചു. കഴിഞ്ഞ നാല്​ മാസത്തിലെ കുറഞ്ഞ മരണനിരക്കാണിത്​.നവംബറിൽ അന്തരീക്ഷ താപനില കുറഞ്ഞുവരും. ഇൗ സമയം വൈറസ്​ വ്യാപനം വർധിക്കുമെന്ന്​ ആരോഗ്യ മന്ത്രാലയത്തിന്​ ആശങ്കയുണ്ട്​.

ജലീബ്​ അൽ ശുയൂഖിലെ ഫീൽഡ്​ ആശുപത്രിയിൽ ഇപ്പോൾ സന്ദർശകർ കുറവാണെങ്കിലും കേന്ദ്രം നിലനിർത്തുന്നത്​ തണുപ്പുകാലത്തെ വ്യാപന സാധ്യത കണക്കിലെടുത്താണ്​. കോവിഡ്​ കാല നിയന്ത്രണങ്ങൾ ക്രമേണ നീക്കി രാജ്യത്തെ സാധാരണ നിലയിലേക്ക്​ കൊണ്ടുവരാൻ സർക്കാർ തീരുമാനിച്ചിട്ടുണ്ടെങ്കിലും ഇതി​െൻറ അഞ്ചാംഘട്ടത്തിലേക്ക്​ കടക്കുന്നത്​ നീട്ടിവെച്ചിരിക്കുകയാണ്​. നേരത്തേ പ്രഖ്യാപിച്ച​ ഷെഡ്യൂൾ അനുസരിച്ച്​ ഇതിനകം അഞ്ചാം ഘട്ടത്തിലേക്ക്​ കടക്കേ​ണ്ടതാണ്​. എന്നാൽ, സമയമായില്ല എന്ന വിലയിരുത്തലിലാണ്​ മന്ത്രിസഭ എത്തിയത്​.

രാജ്യത്ത്​ ശക്​തമായ തണുപ്പ്​ അനുഭവപ്പെടുന്ന നവംബർ, ഡിസംബർ, ജനുവരി മാസങ്ങൾ കോവിഡ്​ വ്യാപനത്തെ സംബന്ധിച്ച്​ നിർണായകമാവും. ജനങ്ങളോട്​ ജാഗ്രത പുലർത്താൻ ആരോഗ്യ മന്ത്രാലയം ആവശ്യപ്പെട്ടിട്ടുണ്ട്​. സാമൂഹിക അകലം പാലിക്കലും മാസ്​ക്​ ധരിക്കലും ഉൾപ്പെടെ ആരോഗ്യ മന്ത്രാലയത്തി​െൻറ മുന്നറിയിപ്പുകൾ ഒരു വിഭാഗം അവഗണിക്കുന്ന സ്ഥിതിയുണ്ട്​.