ക്രസന്റ് സെന്റർ മുസ്തഫ പേരാമ്പ്രക്ക് യാത്രയയപ്പ് നൽകി
text_fieldsകുവൈത്ത് സിറ്റി : പ്രവാസജീവിതം അവസാനിപ്പിച്ച് നാട്ടിലേക്ക് യാത്ര തിരിക്കുന്ന ക്രസന്റ് സെന്റർ കുവൈത്ത് അംഗം മുസ്തഫ പേരാമ്പ്രക്ക് യാത്രയയപ്പ് നൽകി.
ഫർവാനിയ ഫ്രണ്ട്ലൈൻ ഹാളിൽ നടന്ന ചടങ്ങ് രക്ഷാധികാരി മുസ്തഫ കാരി ഉദ്ഘാടനം ചെയ്തു. പ്രസിഡന്റ് ശരീഫ് ഒതുക്കുങ്ങൽ അധ്യക്ഷത വഹിച്ചു. മുസ്തഫ പേരാമ്പ്രയുടെ സേവിങ്സ് സ്കീം തുക സി.എസ്.എസ് ചെയർമാൻ സലീം ഹാജി പാലോത്തിലും ഫെയർവൽ തുക മുസ്തഫ കാരിയും കൈമാറി. കോയ വളപ്പിൽ, ഷാഹുൽ ബേപ്പൂർ, ഗഫൂർ അത്തോളി, മൻസൂർ കുന്നത്തേരി, ഷാജഹാൻ പാലാറ എന്നിവർ സംസാരിച്ചു.
യാത്രയയപ്പിന് നന്ദി പറഞ്ഞു സംസാരിച്ച മുസ്തഫ പേരാമ്പ്ര ക്രസന്റ് സെന്റർ നടത്തി വരുന്ന പ്രവർത്തനങ്ങളെ അഭിനന്ദിച്ചു. പത്താം വാർഷികവുമായി ബന്ധപ്പെട്ട് നടത്തേണ്ട പ്രവർത്തനങ്ങൾ യോഗത്തിൽ ചർച്ച ചെയ്തു. ലത്തീഫ് മാണിക്കംവീട്ടിൽ ഖിറാഅത് നടത്തി. ജനറൽ സെക്രട്ടറി ഷഫീഖ് വി.എ സ്വാഗതവും, ട്രഷറർ ഇല്യാസ് ബഹസ്സൻ നന്ദിയും പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.