ഡെ​പ്യൂ​ട്ടി അ​മീ​റി​ന്റെ ചൈ​ന സ​ന്ദ​ർ​ശ​നം; ക്ര​മീ​ക​ര​ണ​ങ്ങ​ൾ ച​ർ​ച്ച ചെ​യ്തു

കു​വൈ​ത്ത് സി​റ്റി: ഡെ​പ്യൂ​ട്ടി അ​മീ​റും കി​രീ​ടാ​വ​കാ​ശി​യു​മാ​യ ശൈ​ഖ് മി​ശ്അ​ൽ അ​ൽ അ​ഹ​മ്മ​ദ് അ​ൽ ജാ​ബി​ർ അ​സ്സ​ബാ​ഹി​ന്റെ ചൈ​ന സ​ന്ദ​ർ​ശ​ന​ത്തി​ന് മു​ന്നോ​ടി​യാ​യി ക്ര​മീ​ക​ര​ണ​ങ്ങ​ളെ​ക്കു​റി​ച്ച് ച​ർ​ച്ച ന​ട​ത്തി.

സെ​യ്ഫ് പാ​ല​സി​ൽ ന​ട​ന്ന യോ​ഗ​ത്തി​ൽ ഉ​പ​പ്ര​ധാ​ന​മ​ന്ത്രി​യും പ്ര​തി​രോ​ധ മ​ന്ത്രി​യു​മാ​യ ശൈ​ഖ് അ​ഹ​മ്മ​ദ് ഫ​ഹ​ദ് അ​ൽ അ​ഹ​മ്മ​ദ് അ​സ്സ​ബാ​ഹ്, പൊ​തു​മ​രാ​മ​ത്ത് മ​ന്ത്രി ഡോ. ​അ​മാ​നി ബൊ​ഗാ​മാ​സ്, ധ​ന​മ​ന്ത്രി ഫ​ഹ​ദ് അ​ൽ ജ​റ​ല്ല എ​ന്നി​വ​ർ​ക്കൊ​പ്പം ചൈ​നീ​സ് അം​ബാ​സ​ഡ​ർ ഷാ​ങ് ജി​യാ​ൻ​വെ​യ് യും ​പ​​ങ്കെ​ടു​ത്തു.

സ​ന്ദ​ർ​ശ​ന​ത്തി​​ന്റെ ഭാ​ഗ​മാ​യി ഇ​രു​രാ​ജ്യ​ങ്ങ​ളും ത​മ്മി​ൽ വി​വി​ധ മേ​ഖ​ല​ക​ളി​ൽ സു​പ്ര​ധാ​ന​വും ത​ന്ത്ര​പ്ര​ധാ​ന​വു​മാ​യ നി​ര​വ​ധി ക​രാ​റു​ക​ളി​ൽ ഒ​പ്പു​വെ​ക്കു​മെ​ന്നാ​ണ് പ്ര​തീ​ക്ഷ. ഇ​രു​രാ​ജ്യ​ങ്ങ​ളി​ലും സ​ന്ദ​ർ​ശ​ന​വു​മാ​യി ബ​ന്ധ​പ്പെ​ട്ട ഒ​രു​ക്കം പു​രോ​ഗ​മി​ക്കു​ക​യാ​ണ്.

ശൈ​ഖ് അ​ഹ​മ്മ​ദ് ഫ​ഹ​ദ് അ​ൽ അ​ഹ​മ്മ​ദ് അ​സ്സ​ബാ​ഹി​നെ കൂ​ടാ​തെ, വി​വി​ധ മ​ന്ത്രി​മാ​രും ഉ​ന്ന​ത ഉ​​ദ്യോ​ഗ​സ്ഥ​രും പ്ര​തി​നി​ധി സം​ഘ​ത്തി​ൽ ഉ​ണ്ടാ​കും.