പ​ണം കൈ​മാ​റ്റം ഇ​നി അ​തി​വേ​ഗം

കു​വൈ​ത്ത് സി​റ്റി: മൊ​ബൈ​ൽ ന​മ്പ​ർ വ​ഴി പ​ണം അ​യ​ക്കു​ന്ന​തി​നും സ്വീ​ക​രി​ക്കു​ന്ന​തി​നു​മു​ള്ള ഡി​ജി​റ്റ​ൽ സേ​വ​നം ആ​രം​ഭി​ച്ച് കു​വൈ​ത്തി​ലെ പ്രാ​ദേ​ശി​ക ബാ​ങ്കു​ക​ള്‍. മൊ​ബൈ​ൽ ബാ​ങ്കി​ങ് ആ​പ് വ​ഴി​യാ​ണ് ഉ​പ​ഭോ​ക്താ​ക്ക​ൾ​ക്ക് ഉ​ട​ന​ടി​യു​ള്ള പേ​മെ​ന്‍റ് സേ​വ​നം ന​ല്‍കു​ക. സെ​ൻ​ട്ര​ൽ ബാ​ങ്ക് ഓ​ഫ് കു​വൈ​ത്തി​ന്‍റെ നി​ര്‍ദേ​ശ പ്ര​കാ​ര​മാ​ണ് പു​തി​യ തീ​രു​മാ​നം. കെ-​നെ​റ്റി​ന്‍റെ സ​ഹ​ക​ര​ണ​ത്തോ​ടെ​യാ​ണ് പ​ദ്ധ​തി ന​ട​പ്പി​ലാ​ക്കു​ന്ന​ത്.

പ​ദ്ധ​തി നി​ല​വി​ൽ വ​ന്ന​തോ​ടെ ര​ജി​സ്ട്രേ​ഡ് മൊ​ബൈ​ല്‍ ന​മ്പ​ര്‍ ടൈ​പ് ചെ​യ്ത് ബാ​ങ്ക് ആ​പ്ലി​ക്കേ​ഷ​ന്‍ വ​ഴി പ​ണം കൈ​മാ​റ്റം ചെ​യ്യാ​ന്‍ ക​ഴി​യും. സേ​വ​നം ല​ഭി​ക്കു​ന്ന​തി​നാ​യി ബാ​ങ്ക് അ​ക്കൗ​ണ്ടു​ക​ള്‍ മൊ​ബൈ​ല്‍ ന​മ്പ​റു​മാ​യി ബ​ന്ധി​പ്പി​ച്ചി​രി​ക്ക​ണം. അ​ഭ്യ​ർ​ഥ​ന​ക്ക് 24 മ​ണി​ക്കൂ​ർ മാ​ത്ര​മേ സാ​ധു​ത​യു​ണ്ടാ​വു​ക​യു​ള്ളൂ. പു​തി​യ സം​വി​ധാ​നം വ​ഴി ഉ​പ​ഭോ​ക്താ​ക്ക​ള്‍ക്ക് പേ​മെ​ന്‍റു​ക​ൾ അ​യ​ക്കാ​നും സ്വീ​ക​രി​ക്കാ​നും അ​ഭ്യ​ർ​ഥി​ക്കാ​നും ക​ഴി​യു​മെ​ന്ന് ബാ​ങ്കി​ങ് വൃ​ത്ത​ങ്ങ​ള്‍ അ​റി​യി​ച്ചു. ഉ​പ​ഭോ​ക്താ​വി​ന് അ​യ​ക്കാ​ൻ ക​ഴി​യു​ന്ന ഏ​റ്റ​വും കു​റ​ഞ്ഞ തു​ക ഒ​രു ദി​നാ​റാ​ണ്. പ്ര​തി​ദി​നം പ​ര​മാ​വ​ധി 10 ഇ​ട​പാ​ടു​ക​ളി​ലാ​യി 3,000 ദീനാ​ര്‍ വ​രെ അ​നു​വ​ദി​ക്കും. മാ​സ​ത്തി​ല്‍ 20,000 ദി​നാ​ര്‍ വ​രെ​യാ​ണ് ഇ​ട​പാ​ടു​ക​ള്‍ അ​നു​വ​ദി​ക്കു​ക.