ഉ​ച്ച​സ​മ​യ​ത്തെ പു​റം​ജോ​ലി​വി​ല​ക്ക്​ പ്രാ​ബ​ല്യ​ത്തി​ൽ

കു​വൈ​ത്ത്​ സി​റ്റി: കു​വൈ​ത്തി​ൽ ഉ​ച്ച​സ​മ​യ​ത്തെ പു​റം​ജോ​ലി വി​ല​ക്ക്​ ​ചൊ​വ്വാ​ഴ്​​ച മു​ത​ൽ പ്രാ​ബ​ല്യ​ത്തി​ലാ​യി. ആ​ഗ​സ്​​റ്റ് 31വ​രെ രാ​വി​ലെ 11 മു​ത​ൽ വൈ​കീ​ട്ട് നാ​ലു​വ​രെ സൂ​ര്യാ​ത​പം ഏ​ൽ​ക്കു​ന്ന ത​ര​ത്തി​ൽ തു​റ​ന്ന​സ്​​ഥ​ല​ങ്ങ​ളി​ൽ ജോ​ലി​ചെ​യ്യി​ക്കാ​ൻ പാ​ടി​ല്ല. നി​യ​മ​ലം​ഘ​ന​മു​ണ്ടോ എ​ന്ന്​ പ​രി​ശോ​ധി​ക്കാ​ൻ പ്ര​ത്യേ​ക​സം​ഘ​ത്തെ ചു​മ​ത​ല​പ്പെ​ടു​ത്തു​മെ​ന്ന്​ മാ​ൻ​പ​വ​ർ അ​തോ​റി​റ്റി മേ​ധാ​വി അ​ഹ്​​മ​ദ്​ അ​ൽ മൂ​സ പ​റ​ഞ്ഞു.

രാ​ജ്യ​ത്ത് ചൂ​ട് ക​ന​ക്കു​ന്ന ഈ​മാ​സ​ങ്ങ​ളി​ൽ തൊ​ഴി​ലാ​ളി​ക​ൾ​ക്ക് സൂ​ര്യാ​ഘാ​തം പോ​ലു​ള്ള അ​പ​ക​ട​ങ്ങ​ൾ ഏ​ൽ​ക്കാ​തി​രി​ക്കു​ന്ന​തി​നാ​ണ് പ​തി​വു​പോ​ലെ ഇ​ക്കു​റി​യും മ​ധ്യാ​ഹ്ന പു​റം​ജോ​ലി വി​ല​ക്ക് ഏ​ർ​പ്പെ​ടു​ത്തു​ന്ന​ത്. വി​ല​ക്ക് ലം​ഘി​ക്കു​ന്ന തൊ​ഴി​ലു​ട​മ​ക​ളു​ടെ ഫ​യ​ലു​ക​ൾ മ​ര​വി​പ്പി​ക്കു​ന്ന​തു​ൾ​പ്പെ​ടെ ന​ട​പ​ടി​ക​ളു​ണ്ടാ​വും.

ഉ​ച്ച​വി​ശ്ര​മ​ത്തി​നാ​യി ന​ൽ​കു​ന്ന സ​മ​യ​ന​ഷ്​​ടം ഒ​ഴി​വാ​ക്കു​ന്ന​തി​ന് നി​ശ്ചി​ത​സ​മ​യം ആ​രം​ഭി​ക്കു​ന്ന​തി​നു മു​മ്പ്​ രാ​വി​ലെ​യോ ജോ​ലി അ​വ​സാ​നി​ക്കു​ന്ന സ​മ​യ​ത്തി​നു​ശേ​ഷ​മോ ആ​വ​ശ്യ​മെ​ങ്കി​ൽ കൂ​ടു​ത​ൽ സ​മ​യം​ജോ​ലി ചെ​യ്യി​ക്കാ​ൻ തൊ​ഴി​ലു​ട​മ​ക​ൾ​ക്ക് അ​വ​കാ​ശ​മു​ണ്ടാ​കും.