ഇൗദ്​ അവധി: 55,000 കു​വൈത്തികൾ രാജ്യത്തിന്​ പുറത്തേക്ക്​

കു​വൈ​ത്ത്​ സി​റ്റി: ഇൗ​ദ്​ അ​വ​ധി ആ​ഘോ​ഷ​ത്തി​നാ​യി 55,000 കു​വൈ​ത്തി​ക​ൾ രാ​ജ്യ​ത്തി​ന്​ പു​റ​ത്തേ​ക്ക്​ ​പോ​കു​ന്ന​താ​യി ട്രാ​വ​ൽ ആ​ൻ​ഡ്​ ടൂ​റി​സം യൂ​നി​യ​ൻ ഡ​യ​റ​ക്​​ട​ർ ബോ​ർ​ഡ്​ അം​ഗം ഹു​സൈ​ൻ അ​ൽ സു​ൽ​ത്താ​ൻ പ​റ​ഞ്ഞു. 442 വി​മാ​ന​ങ്ങ​ളാ​ണ്​ കു​വൈ​ത്തി​ൽ​നി​ന്ന്​ പു​റ​ത്തേ​ക്ക്​ ഷെ​ഡ്യൂ​ൾ ചെ​യ്​​തി​ട്ടു​ള്ള​ത്.

435 വി​മാ​ന​ങ്ങ​ളി​ൽ 18,000 പേ​ർ ഇൗ ​ദി​വ​സ​ങ്ങ​ളി​ൽ കു​വൈ​ത്തി​ലേ​ക്കും വ​രു​ന്നു. ആ​കെ 877 യാ​ത്രാ​വി​​മാ​ന ഷെ​ഡ്യൂ​ളു​ക​ളും 73,000 യാ​ത്ര​ക്കാ​രു​മാ​ണ്​ പ്ര​തീ​ക്ഷി​ക്കു​ന്ന​ത്. ഇ​തി​ൽ ഭൂ​രി​ഭാ​ഗ​വും യൂ​റോ​പ്യ​ൻ രാ​ജ്യ​ങ്ങ​ളി​ലും അ​റ​ബ്​ രാ​ജ്യ​ങ്ങ​ളി​ലും അ​വ​ധി ആ​ഘോ​ഷി​ക്കാ​ൻ പോ​കു​ന്ന കു​വൈ​ത്തി​ക​ളാ​ണ്.

കോ​വി​ഡ്​ വ്യാ​പ​നം കൂ​ടു​ത​ലു​ള്ള ഇ​ന്ത്യ ഉ​ൾ​പ്പെ​ടെ രാ​ജ്യ​ങ്ങ​ളി​ലേ​ക്ക്​ കു​വൈ​ത്തി​ക​ൾ യാ​ത്ര ഒ​ഴി​വാ​ക്കും.തു​ർ​ക്കി, മാ​ല​ദ്വീ​പ്, ജോ​ർ​ജി​യ, ബോ​സ്​​നി​യ, അ​സ​ർ​ബൈ​ജാ​ൻ, ബ്രി​ട്ട​ൻ എ​ന്നീ രാ​ജ്യ​ങ്ങ​ളി​ലേ​ക്കാ​ണ്​ കൂ​ടു​ത​ൽ പേ​ർ പോ​കാ​ൻ താ​ൽ​പ​ര്യ​പ്പെ​ടു​ന്ന​ത്. വി​ദേ​ശി​ക​ളു​ടെ പ്ര​വേ​ശ​ന വി​ല​ക്ക്​ നി​ല​നി​ൽ​ക്കു​ന്ന​തി​നാ​ൽ അ​വ​ർ​ക്ക്​ ഇ​പ്പോ​ൾ പു​റ​ത്തു​പോ​യി വ​രാ​ൻ ക​ഴി​യി​ല്ല. കു​വൈ​ത്തി​ൽ​നി​ന്ന്​ പോ​കു​ന്ന​തി​ന്​ ത​ട​സ്സ​മി​ല്ല. തി​രി​ച്ചു​വ​ര​വ്​ സാ​ധ്യ​മാ​ക​ണ​മെ​ങ്കി​ൽ ആ​ഗ​സ്​​റ്റ്​ ഒ​ന്നു​വ​രെ​യെ​ങ്കി​ലും കാ​ത്തി​രി​ക്ക​ണം. അ​വ​ധി​ക്കാ​ല യാ​ത്ര മു​ൻ​വ​ർ​ഷ​ങ്ങ​ളെ അ​പേ​ക്ഷി​ച്ച്​ കു​ത്ത​നെ കു​റ​യും.

കു​വൈ​ത്ത്​ അ​ന്താ​രാ​ഷ്​​ട്ര വി​മാ​ന​ത്താ​വ​ള​ത്തി​ലെ പ്ര​തി​ദി​ന യാ​ത്ര​ക്കാ​രു​ടെ പ​രി​ധി 3500ൽ​നി​ന്ന്​ 5000 ആ​ക്കി ഉ​യ​ർ​ത്തി​യ​ത്​ ആ​ശ്വാ​സ​മാ​ണ്. ഇ​ത്​ ഇ​നി​യും വ​ർ​ധി​പ്പി​ക്ക​ണ​മെ​ന്ന്​ ആ​വ​ശ്യം ഉ​യ​രു​ന്നു​ണ്ട്. ഒ​രു ദി​വ​സം 67 വി​മാ​ന​ങ്ങ​ൾ​ക്ക്​ സ​ർ​വി​സ്​ ന​ട​ത്താ​നാ​ണ്​ ഇ​പ്പോ​ൾ അ​നു​മ​തി ന​ൽ​കി​യി​ട്ടു​ള്ള​ത്. ആ​രോ​ഗ്യ സു​ര​ക്ഷ മാ​ർ​ഗ​നി​ർ​ദേ​ശ​ങ്ങ​ൾ​ക്ക്​ വി​ധേ​യ​മാ​യി മാ​ത്ര​മേ യാ​ത്ര​ക്കാ​രെ അ​നു​വ​ദി​ക്കൂ.