തെ​ര​ഞ്ഞെ​ടു​പ്പ് ക​മീ​ഷ​ന് പൂ​ർ​ണ അ​നു​മ​തി

കു​വൈ​ത്ത് സി​റ്റി: രാ​ജ്യ​ത്തെ തെ​ര​ഞ്ഞെ​ടു​പ്പ് പ്ര​ക്രി​യ​യു​ടെ പൂ​ർ​ണ ചു​മ​ത​ല വൈ​കാ​തെ തെ​ര​ഞ്ഞെ​ടു​പ്പ് ക​മീ​ഷ​ന്റെ അ​ധി​കാ​ര​പ​രി​ധി​യി​ൽ വ​രും. തെ​ര​ഞ്ഞെ​ടു​പ്പ് ക​മീ​ഷ​ൻ രൂ​പ​വ​ത്ക​രി​ക്കു​ന്ന​തി​ന് അം​ഗീ​കാ​രം ന​ൽ​കി​യ​തി​നു പി​റ​കെ ക​മീ​ഷ​നി​ലെ അം​ഗ​ങ്ങ​ളെ തെ​ര​ഞ്ഞെ​ടു​ക്കു​ന്ന​തി​നു​ള്ള ബി​ല്ലും ദേ​ശീ​യ അ​സം​ബ്ലി പാ​സാ​ക്കി. ചൊ​വ്വാ​ഴ്ച ചേ​ർ​ന്ന അ​സാ​ധാ​ര​ണ സ​മ്മേ​ള​ന​ത്തി​ൽ 62 സാ​മാ​ജി​ക​രി​ൽ 59 എം.​പി​മാ​ർ അ​നു​കൂ​ലി​ച്ചും മൂ​ന്നു പേ​ർ എ​തി​ർ​ത്തും വോ​ട്ട് ചെ​യ്തു.

തെ​ര​ഞ്ഞെ​ടു​പ്പി​ന് മേ​ൽ​നോ​ട്ടം വ​ഹി​ക്കാ​നും തെ​ര​ഞ്ഞെ​ടു​പ്പ് പ്ര​ക്രി​യ സം​ഘ​ടി​പ്പി​ക്കാ​നും നീ​തി​ന്യാ​യ​മ​ന്ത്രി​യു​ടെ അ​ധി​കാ​ര​പ​രി​ധി​യി​ൽ പ്ര​വ​ർ​ത്തി​ക്കു​ന്ന ജ​ന​റ​ൽ ക​മീ​ഷ​നെ അ​ധി​കാ​ര​പ്പെ​ടു​ത്താ​ൻ ബി​ൽ വ്യ​വ​സ്ഥ​ചെ​യ്യു​ന്നു. നാ​ലു വ​ർ​ഷ കാ​ല​യ​ള​വി​ൽ ഏ​ഴു കു​വൈ​ത്ത് ജ​ഡ്ജി​മാ​രെ​യും ക​മീ​ഷ​നി​ൽ ഉ​ൾ​പ്പെ​ടു​ത്തും. പാ​ർ​ല​മെ​ന്റ് തെ​ര​ഞ്ഞെ​ടു​പ്പി​നു​ള്ള നാ​മ​നി​ർ​ദേ​ശ​ങ്ങ​ളു​ടെ നി​യ​മ​സാ​ധു​ത പ​രി​ശോ​ധി​ക്ക​ൽ, തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ന് നി​യ​മ​ങ്ങ​ൾ സ്ഥാ​പി​ക്ക​ൽ, തെ​ര​ഞ്ഞെ​ടു​പ്പ് ചെ​ല​വു​ക​ൾ, ഫ​ണ്ടി​ങ് വി​ഭ​വ​ങ്ങ​ൾ, സ​മ​യം എ​ന്നി​വ ക്ര​മീ​ക​രി​ക്ക​ൽ ക​മീ​ഷ​ന്റെ ചു​മ​ത​ല​യാ​യി​രി​ക്കും.

ദൃ​ശ്യ-​ശ്രാ​വ്യ മാ​ധ്യ​മ​ങ്ങ​ളി​ലെ സ്ഥാ​നാ​ർ​ഥി​ക​ളു​ടെ പ്ര​ചാ​ര​ണം നി​രീ​ക്ഷി​ക്ക​ൽ, സി​വി​ൽ സൊ​സൈ​റ്റി​ക​ൾ, അ​ന്താ​രാ​ഷ്ട്ര ഏ​ജ​ൻ​സി​ക​ൾ, വേ​ദി​ക​ളു​ടെ ലൊ​ക്കേ​ഷ​ൻ ക്ര​മീ​ക​രി​ക്ക​ൽ എ​ന്നി​വ​യും ക​മീ​ഷ​ന്റെ ചു​മ​ത​ല​ക​ളി​ൽ ഉ​ൾ​പ്പെ​ടു​ന്നു. വോ​ട്ട​ർ​മാ​ർ, നോ​മി​നി​ക​ൾ, സം​ഘ​ട​ന​ക​ൾ എ​ന്നി​വ​രി​ൽ​നി​ന്ന് പ​രാ​തി​ക​ൾ സ്വീ​ക​രി​ക്കാ​നും തെ​ര​ഞ്ഞെ​ടു​പ്പ് പ്ര​ക്രി​യ​ക്കി​ടെ ഏ​തെ​ങ്കി​ലും ‘സം​ശ​യി​ക്ക​പ്പെ​ടു​ന്ന കു​റ്റ​കൃ​ത്യം’ സം​ബ​ന്ധി​ച്ച് പ​ബ്ലി​ക് പ്രോ​സി​ക്യൂ​ഷ​നി​ൽ റി​പ്പോ​ർ​ട്ട് ചെ​യ്യാ​നും തെ​ര​ഞ്ഞെ​ടു​പ്പ് ക​മീ​ഷ​ന് അ​ധി​കാ​ര​മു​ണ്ടാ​കും.

തെ​ര​ഞ്ഞെ​ടു​പ്പ് ഫ​ല​പ്ര​ഖ്യാ​പ​നം കൈ​കാ​ര്യം​ചെ​യ്യു​ന്ന​തും ക​മീ​ഷ​നാ​കും. ഫ​ല​പ്ര​ഖ്യാ​പ​ന​ത്തി​നു​ശേ​ഷം തെ​ര​ഞ്ഞെ​ടു​പ്പ് അ​വ​ലോ​ക​ന റി​പ്പോ​ർ​ട്ട് ത​യാ​റാ​ക്കു​ക​യും ചെ​യ്യും. ഇ​തി​ന്റെ പ​ക​ർ​പ്പ് നീ​തി​ന്യാ​യ​മ​ന്ത്രി​ക്കും സു​പ്രീം ജു​ഡീ​ഷ്യ​ൽ കൗ​ൺ​സി​ൽ മേ​ധാ​വി​ക്കും ദേ​ശീ​യ അ​സം​ബ്ലി സ്പീ​ക്ക​ർ​ക്കും സ​മ​ർ​പ്പി​ക്കും.

ക​ര​ട് ബി​ല്ലി​ന് ദേ​ശീ​യ അ​സം​ബ്ലി അം​ഗീ​കാ​രം ല​ഭി​ച്ച​തോ​ടെ സ​ർ​ക്കാ​ർ വൈ​കാ​തെ മ​റ്റു ന​ട​പ​ടി​ക​ളി​ലേ​ക്കു ക​ട​ക്കും. ഇ​തോ​ടെ ആ​ഭ്യ​ന്ത​ര മ​ന്ത്രാ​ല​യ​ത്തി​ന്റെ തെ​ര​ഞ്ഞെ​ടു​പ്പ് ക​മ്മി​റ്റി​ക്കു പ​ക​ര​മാ​യി തെ​ര​ഞ്ഞെ​ടു​പ്പ് ന​ട​ത്തു​ക​യും മേ​ൽ​നോ​ട്ടം വ​ഹി​ക്കു​ക​യും ചെ​യ്യു​ന്ന​തി​ന്റെ പൂ​ർ​ണ ചു​മ​ത​ല തെ​ര​ഞ്ഞെ​ടു​പ്പ് ക​മീ​ഷ​നി​ൽ വ​ന്നു​ചേ​രും.