യൂറോപ്യൻ ജെറ്റ് സ്കീ ചാമ്പ്യൻഷിപ്; കുവൈത്തിന് മൂന്നാം സ്ഥാനം
text_fieldsകുവൈത്ത് നാഷനൽ ജെറ്റ് സ്കീ ടീം
കുവൈത്ത് സിറ്റി: പോളണ്ടിൽ നടന്ന യൂറോപ്യൻ ജെറ്റ് സ്കീ ചാമ്പ്യൻഷിപ്പിൽ കുവൈത്ത് നാഷനൽ ജെറ്റ് സ്കീ ടീം ആദ്യ റൗണ്ടിൽ മൂന്നാം സ്ഥാനം കരസ്ഥമാക്കി. കുവൈത്ത് ടീം അംഗങ്ങളായ മുഹമ്മദ് ബർബയയും സേലം അൽ മുതവയുമായി അഭിമാന നേട്ടം കൊയ്തത്. സീനിയർ പ്രഫഷനലുകൾക്കായുള്ള പ്രോ ജി.പി വിഭാഗത്തിൽ ബർബയ മൂന്നാം സ്ഥാനം നേടിയപ്പോൾ സഹതാരം അൽ മുതവ വിദഗ്ധ സ്കീ വിഭാഗത്തിലും ഇതേ സ്ഥാനം നേടി. ഇന്റർനാഷനൽ ജെറ്റ് സ്പോർട്സ് ബോട്ടിങ് അസോസിയേഷൻ മേൽനോട്ടത്തിൽ പോളണ്ടിൽ നടന്ന യൂറോപ്യൻ ജെറ്റ് സ്കീ ചാമ്പ്യൻഷിപ്പിൽ 30 രാജ്യങ്ങളിൽ നിന്നുള്ള 200 മത്സരാർഥികൾ പങ്കെടുത്തിരുന്നു.
കുവൈത്ത് ടീമിന്റെ നേട്ടങ്ങളെയും കളിക്കാരുടെയും അഡ്മിനിസ്ട്രേറ്റീവ്, ടെക്നിക്കൽ സ്റ്റാഫുകളുടെയും പ്രയത്നങ്ങളെയും കുവൈത്ത് സീ സ്പോർട്സ് ക്ലബ് സെക്രട്ടറി ജനറൽ ഖാലിദ് അൽ ഫൗദരി അഭിനന്ദിച്ചു. ഒക്ടോബറിൽ യു.എസിലെ അരിസോണയിൽ നടക്കുന്ന ചാമ്പ്യൻഷിപ്പിന്റെ അടുത്ത റൗണ്ടിൽ കൂടുതൽ കിരീടങ്ങൾ നേടാനുള്ള ടീമിന്റെ കഴിവിലും സന്നദ്ധതയിലും അദ്ദേഹം ആത്മവിശ്വാസം പ്രകടിപ്പിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.