ഫാ​ഷി​സ​ത്തി​നെ​തി​രെ പ്ര​തി​രോ​ധ​ക്കോ​ട്ട​ കെ​ട്ടി സാ​ഹോ​ദ​ര്യ സം​ഗ​മം

കുവൈത്ത്​ സിറ്റി: മതന്യൂനപക്ഷങ്ങള്‍ക്കും ദലിതുകള്‍ക്കുമെതിരെ ആക്രമണങ്ങൾ തുടർക്കഥയാകുന്ന പശ്ചാത്തലത്തിൽ മതേതര ജനാധിപത്യ വിശ്വാസികളെയും മനുഷ്യസ്നേഹികളെയും അണിനിരത്തി കെ.ഐ.ജി കുവൈത്ത്‌ ‘ഫാഷിസ്​റ്റ്​ വിരുദ്ധ സഹോദര്യ സംഗമം’ സംഘടിപ്പിച്ചു. വെള്ളിയാഴ്​ച വൈകീട്ട്​ 5.30ന് അബ്ബാസിയ ടൂറിസ്​റ്റിക്​ പാര്‍ക്കിന്​ സമീപത്തെ മറീന്ല ഹാളിൽ നടന്ന പരിപാടിയിൽ എഴുത്തുകാരനും വാഗ്​മിയുമായ കെ.ഇ.എൻ. കുഞ്ഞഹമ്മദ്​ മുഖ്യപ്രഭാഷണം നടത്തി. ക്ലാസിക്കൽ ഫാഷിസത്തേക്കാൾ അപകടകരവും ആഴത്തിൽ വേരുകളുള്ളതുമാണ്​ ഇന്ത്യൻ ഫാഷിസമെന്ന്​ അദ്ദേഹം ചൂണ്ടിക്കാട്ടി. എല്ലാ വൈവിധ്യവും നിലനിർത്തിക്കൊണ്ട്​ തന്നെ ജനാധിപത്യ സംരക്ഷണത്തിനായി ഒരുമിക്കണം.

ജാതിമേൽക്കോയ്​മയുടെ ഭാഗമായ അദൃശ്യ ഭരണകൂടവും ഫാഷിസ്​റ്റ്​ പ്രത്യക്ഷ ഭരണകൂടവും ജനാധിപത്യത്തെ വെല്ലുവിളിക്കുകയാണ്​. ഇൗ വെല്ലുവിളിയെ വിലകുറച്ച്​ കാണരുത്​. ഇന്ത്യന്‍ ഭരണഘടന വിഭാവന ചെയ്യുന്ന മതനിരപേക്ഷ, ജനാധിപത്യ മൂല്യങ്ങള്‍ക്ക് കനത്ത ഭീഷണി നേരിട്ടുകൊണ്ടിരിക്കുന്ന കാലഘട്ടത്തിലൂടെയാണ്​ രാജ്യം കടന്നുപോയിക്കൊണ്ടിരിക്കുന്നത്. എല്ലാ ഭിന്നതകളും മാറ്റിവെച്ച്​ ഇൗ വിപത്തിനെതിരെ ഒന്നിച്ചണിനിരക്കേണ്ടത്​ അനിവാര്യമാണ്​. ഇൗ ഘട്ടത്തിലും നാം ഉണർന്ന്​ പ്രവർത്തിച്ച്​ പ്രതിരോധം ഉയർത്തിയില്ലെങ്കിൽ രാജ്യത്തി​​​െൻറ ഭാവി അപകടത്തിലാണെന്നും അദ്ദേഹം കൂട്ടിച്ചേർത്തു. കെ.​െഎ.ജി പ്രസിഡൻറ്​ ഫൈസൽ മ​ഞ്ചേരി അധ്യക്ഷത വഹിച്ചു. ഫാഷിസത്തെ ചെറുക്കാൻ തങ്ങളെ പിന്തുണക്ക​ണമെന്നാണ്​ കോൺഗ്രസും ഇടതുപക്ഷവും ​വെവ്വേറെനിന്ന്​ പറയുന്നത്​. സന്ദർഭത്തി​​​െൻറ അനിവാര്യത മനസ്സിലാക്കി കോൺഗ്രസും ഇടതുപക്ഷവും ഒരുമിച്ച്​ നിൽക്കണമെന്നും അപ്പോൾ മതനിരപേക്ഷ സമൂഹം അവരെ ഒന്നിച്ച്​ ശക്​തിപ്പെടുത്തുമെന്നും അദ്ദേഹം പറഞ്ഞു.

എഴുത്തുകാരനും സാമൂഹിക പ്രവർത്തകനുമായ ജോൺ മാത്യൂ, കല കുവൈത്ത്​ ജനറൽ സെക്രട്ടറി ജെ. സജി, സീറോ മലബാർ സഭ പ്രതിനിധി ജോർജ്​ കാലായിൽ, കല ആർട്ട്​ കുവൈത്ത്​ പ്രസിഡൻറ്​ സാംകുട്ടി തോമസ്​, ഒ.​െഎ.സി.സി പ്രതിനിധി കൃഷ്​ണൻ കടലുണ്ടി, ​െഎ.എം.സി.സി ചെയർമാൻ സത്താർ കുന്നിൽ, കുവൈത്ത്​ കെ.എം.സി.സി പ്രതിനിധി ബഷീർ ബാത്ത, ഇന്ത്യൻ ഇസ്​ലാഹി സ​​െൻറർ പ്രതിനിധി സയ്യിദ്​ അബ്​ദുറഹ്​മാൻ, കെ.കെ.​െഎ.സി ജനറൽ സെക്രട്ടറി ടി.പി. അബ്​ദുൽ അസീസ്​, ആം ആദ്​മി സൊസൈറ്റി പ്രസിഡൻറ്​ മുബാറക്​ കാ​മ്പ്രത്ത്​, കെ.കെ.എം.എ വൈസ്​ ചെയർമാൻ അബ്​ദുൽ ഫത്താഹ്​ തയ്യിൽ, തനിമ ചെയർമാൻ ബാബുജി ബത്തേരി, കേരള അസോസിയേഷൻ കുവൈത്ത്​ പ്രതിനിധി ശ്രീംലാൽ മുരളി, വെൽഫെയർ കേരള കുവൈത്ത്​ വൈസ്​ പ്രസിഡൻറ്​ അനിയൻകുഞ്ഞ്​, വനിതാ വേദി നേതാവ്​ ടോളി തോമസ്​, ഇസ്​ലാമിക്​ വിമൺസ്​ അസോസിയേഷൻ പ്രസിഡൻറ്​ മഹ്​ബൂബ അനീസ്​, യൂത്ത്​ ഇന്ത്യ പ്രസിഡൻറ്​ സി.കെ. നജീബ്​, ഇസ്​ലാമിക്​ കൗൺസിൽ നേതാവ്​ ഹംസ ബാഖവി, പി.സി.എഫ്​ ​പ്രതിനിധി അഹമ്മദ്​ കീരിത്തോട്​ എന്നിവർ സംസാരിച്ചു. ഡോക്യുമ​​െൻററി അവതരണത്തിന്​ റഫീഖ്​ ബാബു, ജസീൽ എന്നിവർ നേതൃത്വം നൽകി. കെ.​െഎ.ജി വൈസ്​ പ്രസിഡൻറ്​ സക്കീർ ഹുസൈൻ തുവ്വൂർ സമാപന പ്രസംഗം നിർവഹിച്ചു. ആക്​ടിങ്​ ജനറൽ സെക്രട്ടറി എം.കെ. നജീബ്​ സ്വാഗതവും വെസ്​റ്റ്​ മേഖല പ്രസിഡൻറ്​ ഫിറോസ്​ ഹമീദ്​ നന്ദിയും പറഞ്ഞു.  മനാഫ് പുറക്കാട് ഖിറാഅത്ത് നടത്തി.