രജിസ്​റ്റർ ചെയ്ത എല്ലാവർക്കും ഒരു മാസത്തിനകം വാക്‌സിന്‍ നൽകും

കുവൈത്ത് സിറ്റി: കുവൈത്തിൽ കോവിഡ് പ്രതിരോധ വാക്സിനായി രജിസ്​റ്റര്‍ ചെയ്ത മുഴുവന്‍ പേർക്കും ഒരുമാസത്തിനകം വാക്സിന്‍ ലഭ്യമാക്കുമെന്ന് ആരോഗ്യമന്ത്രാലയം അറിയിച്ചു.

75 ശതമാനത്തോളം​ ആളുകൾ ഇതിനകം വാക്​സിൻ സ്വീകരിച്ചു. രണ്ടാം ഡോസ്​ നേരത്തെ അപ്പോയിൻ​മെൻറ്​ നൽകിയ തീയതിയിൽനിന്ന്​ നേരത്തെയാക്കാനും ശ്രമിക്കുന്നു. അതനുസരിച്ച്​ പുതുക്കിയ അപ്പോയിൻമെൻറ്​ തീയതി മൊബൈൽ ഫോണിലേക്ക്​ അയച്ചുതുടങ്ങി.

ഒരു ദിവസം ഒരുലക്ഷത്തിലധികം പേർക്ക്​ കുത്തിവെപ്പെടുക്കാൻ ഇ​പ്പോൾ കഴിയുന്നുണ്ട്​.

പരമാവധി ആളുകൾക്ക്​ വേഗത്തിൽ കുത്തിവെപ്പെടുത്ത്​ സാമൂഹിക പ്രതിരോധശേഷി കൈവരിക്കാനാണ്​ അധികൃതർ ശ്രമിക്കുന്നത്​. കോവിഡി​െൻറ പുതിയ വകഭേദം സംബന്ധിച്ച് വിവിധ രാജ്യങ്ങളിലെ സ്ഥിതിഗതികള്‍ കുവൈത്ത് നിരീക്ഷിച്ചുവരികയാണെന്നും മന്ത്രാലയം വ്യക്തമാക്കി.

നവംബർ അവസാനത്തോടെ വാക്​സിൻ എടുക്കേണ്ടതായ മുഴുവൻ പേർക്കും രണ്ടു​ ഡോസും നൽകാൻ കഴിയുമെന്നാണ്​ അധികൃതരുടെ വിലയിരുത്തൽ.