ഇന്ത്യയുടെ പ്രതാപം വിളിച്ചോതി പ്രദർശനം

കു​വൈ​ത്ത്​ സി​റ്റി: ഇ​ന്ത്യ​യു​ടെ വൈ​വി​ധ്യ​വും പ്ര​താ​പ​വും സൗ​ന്ദ​ര്യ​വും വെ​ളി​പ്പെ​ടു​ത്തി ഇ​ന്ത്യ​ൻ എം​ബ​സി​യു​ടെ ആ​ഭി​മു​ഖ്യ​ത്തി​ൽ സം​ഘ​ടി​പ്പി​ച്ച 'സ്​​പ്ലെ​ൻ​ഡേ​ഴ്​​സ്​ ഓ​ഫ്​ ഇ​ന്ത്യ' ഫെ​സ്​​റ്റി​വ​ൽ. ഇ​ന്ത്യ​ൻ എം​ബ​സി, നാ​ഷ​ന​ൽ കൗ​ൺ​സി​ൽ ഫോ​ർ ക​ൾ​ച്ച​ർ, ആ​ർ​ട്ട്​ ആ​ൻ​ഡ്​ ലി​റ്റ​റേ​ച്ച​റു​മാ​യി സ​ഹ​ക​രി​ച്ച്​ സം​ഘ​ടി​പ്പി​ച്ച പ​രി​പാ​ടി ജ​ന​പ​ങ്കാ​ളി​ത്ത​ത്താ​ലും വൈ​വി​ധ്യ​മാ​ർ​ന്ന പ​രി​പാ​ടി​ക​ളാ​ലും ശ്ര​ദ്ധ നേ​ടി.

ദാ​ർ അ​ൽ-​അ​ത​ർ അ​ൽ-​ഇ​സ്‌​ലാ​മി​യ്യ മ്യൂ​സി​യം-​യ​ർ​മൂ​ക്ക് ക​ൾ​ച്ച​റ​ൽ സെ​ന്റ​റി​ൽ ശ​നി​യാ​ഴ്​​ച രാ​വി​ലെ 11ന്​ ​ഇ​ന്ത്യ​ൻ അം​ബാ​സ​ഡ​ർ സി​ബി ജോ​ർ​ജ്​ ഉ​ദ്​​ഘാ​ട​നം ചെ​യ്തു. ഇ​ന്ത്യ സ്വാ​ത​ന്ത്ര്യം നേ​ടി ഒ​രു നൂ​റ്റാ​ണ്ട്​ തി​ക​യാ​ൻ ഇ​നി 25 വ​ർ​ഷ​മാ​ണു​ള്ള​ത്. ഇ​പ്പോ​ൾ മു​ത​ൽ നാം ​അ​ത്​ ആ​ഘോ​ഷി​ക്കു​ക​യാ​ണ്. പു​തി​യ ഇ​ന്ത്യ​യെ കെ​ട്ടി​പ്പ​ടു​ക്കാ​നു​ള്ള ശ്ര​മ​ങ്ങ​ളു​ടേ​തു​കൂ​ടി​യാ​ണ്​ ഈ ​കാ​ലം.

ഇ​ന്ന​ത്തെ സ്​​പ്ലെ​ൻ​ഡേ​ഴ്​​സ്​ ഓ​ഫ്​ ഇ​ന്ത്യ ഉ​ത്സ​വം കു​വൈ​ത്തി​ലെ വി​വി​ധ സ്​​കൂ​ളു​ക​ളി​ൽ പ​ഠി​ക്കു​ന്ന 50,000 ഇ​ന്ത്യ​ൻ വി​ദ്യാ​ർ​ഥി​ക​ൾ​ക്ക്​ സ​മ​ർ​പ്പി​ക്കു​ന്ന​താ​യും അം​ബാ​സ​ഡ​ർ ഉ​ദ്​​ഘാ​ട​ന പ്ര​സം​ഗ​ത്തി​ൽ പ​റ​ഞ്ഞു. ര​ണ്ടു​വ​ർ​ഷ​ത്തെ പ്ര​തി​സ​ന്ധി നി​റ​ഞ്ഞ വി​ദ്യാ​ർ​ഥി ജീ​വി​ത​ത്തി​ന്​ ശേ​ഷം കു​ട്ടി​ക​ൾ​ക്ക് പൂ​ർ​ണ തോ​തി​ൽ സ്​​കൂ​ളി​ൽ നേ​രി​ട്ട്​ അ​ധ്യ​യ​നം ന​ട​ത്താ​ൻ സാ​ഹ​ച​ര്യം ഒ​രു​ങ്ങു​ന്ന​ത്​ സ​ന്തോ​ഷ​ക​ര​മാ​ണെ​ന്ന്​ അ​ദ്ദേ​ഹം കൂ​ട്ടി​ച്ചേ​ർ​ത്തു.

കു​വൈ​ത്ത്​ ഭ​ര​ണ നേ​തൃ​ത്വം, നാ​ഷ​ന​ൽ കൗ​ൺ​സി​ൽ ഫോ​ർ ക​ൾ​ച്ച​ർ, ആ​ർ​ട്, ആ​ൻ​ഡ്​ ലി​റ്റ​റേ​ച്ച​ർ അ​ധി​കൃ​ത​ർ, ദാ​ർ അ​ൽ-​അ​ത​ർ അ​ൽ-​ഇ​സ്‌​ലാ​മി​യ്യ മ്യൂ​സി​യം അ​ധി​കൃ​ത​ർ, ശൈ​ഖ ഹു​സ്സ സ​ബാ​ഹ്​ അ​ൽ സാ​ലിം അ​സ്സ​ബാ​ഹ്, സ്​​റ്റാ​ളു​ക​ൾ സ​ജ്ജീ​ക​രി​ച്ച ബി​സി​ന​സ്​ സ്ഥാ​പ​ന​ങ്ങ​ൾ, ക​ലാ​കാ​ര​ന്മാ​ർ, മ​റ്റു പി​ന്തു​ണ ന​ൽ​കി​യ​വ​ർ എ​ന്നി​വ​ർ​ക്കെ​ല്ലാം സി​ബി ജോ​ർ​ജ്​ ന​ന്ദി അ​റി​യി​ച്ചു.

കാ​ഴ്​​ച​വി​സ്​​മ​യ​മാ​യി ക​ള​രി​പ്പ​യ​റ്റും യോ​ഗ​യും

കു​വൈ​ത്ത്​ സി​റ്റി: സ്​​പ്ലെ​ൻ​ഡേ​ഴ്​​സ്​ ഓ​ഫ്​ ഇ​ന്ത്യ ഫെ​സ്​​റ്റി​വ​ലി​ന്റെ ഭാ​ഗ​മാ​യി ന​ട​ത്തി​യ ക​ള​രി​പ്പ​യ​റ്റ്​ പ്ര​ദ​ർ​ശ​ന​വും യോ​ഗ പ്ര​ദ​ർ​ശ​ന​വും കാ​ഴ്ച​വി​സ്​​മ​യ​മാ​യി.

രാ​വി​ലെ 11.15 മു​ത​ൽ ഉ​ച്ച​ക്ക്​ 12 വ​രെ സെ​മി​നാ​ർ ഹാ​ളി​ൽ ആ​യു​ഷ്​ ഫെ​സ്​​റ്റി​വ​ൽ ന​ട​ത്തി. ഇ​തി​​ന്റെ ഭാ​ഗ​മാ​യി അ​മൃ​ത യോ​ഗ, കു​വൈ​ത്ത്​ യോ​ഗ മീ​റ്റ്, ആ​ർ​ട്​ ഓ​ഫ്​ ലി​വി​ങ്, ഹാ​ർ​മ​ണി ഹൗ​സ്​ എ​ന്നി​വ​യു​ണ്ടാ​യി.

ഉ​ച്ച​ക്ക്​ ര​ണ്ടു മു​ത​ൽ ര​ണ്ട​ര വ​രെ ക​ള​രി​പ്പ​യ​റ്റ്​ പ്ര​ദ​ർ​ശ​നം ന​ട​ന്നു. വൈ​കീ​ട്ട്​ മൂ​ന്നു മു​ത​ൽ 3.45 വ​രെ യോ​ഗ പ്ര​ദ​ർ​ശ​നം, യോ​ഗ നൃ​ത്തം എ​ന്നി​വ​യു​ണ്ടാ​യി.

രു​ചി​പ്പെ​രു​മ​യു​ടെ ഭ​ക്ഷ്യ​മേ​ള

കു​വൈ​ത്ത്​ സി​റ്റി: സ്​​പ്ലെ​ൻ​ഡേ​ഴ്​​സ്​ ഓ​ഫ്​ ഇ​ന്ത്യ ഫെ​സ്​​റ്റി​വ​ലി​ന്റെ ഭാ​ഗ​മാ​യി ന​ട​ത്തി​യ ഭ​ക്ഷ്യ​മേ​ള ഇ​ന്ത്യ​ൻ രു​ചി​വൈ​വി​ധ്യ​ത്തി​​ന്റെ ഗ​രി​മ വി​ളി​ച്ചോ​തി. രാ​വി​ലെ 11.15 മു​ത​ൽ രാ​ത്രി എ​ട്ടു​വ​രെ ദാ​ർ അ​ൽ-​അ​ത​ർ അ​ൽ-​ഇ​സ്‌​ലാ​മി​യ്യ മ്യൂ​സി​യം- യ​ർ​മൂ​ക്ക് ക​ൾ​ച്ച​റ​ൽ സെ​ന്റ​ർ കോ​ർ​ട്ട്​​യാ​ഡി​ലാ​ണ്​ ഭ​ക്ഷ്യ​മേ​ള​യൊ​രു​ക്കി​യ​ത്. വി​വി​ധ ഇ​ന്ത്യ​ൻ സം​സ്ഥാ​ന​ങ്ങ​ളി​ൽ​നി​ന്നു​ള്ള വൈ​വി​ധ്യ​മാ​ർ​ന്ന ഭ​ക്ഷ്യ​വി​ഭ​വ​ങ്ങ​ൾ സ​ന്ദ​ർ​ശ​ക​രെ സ​ന്തോ​ഷി​പ്പി​ച്ചു. ത​ക്കാ​ര റ​സ്​​റ്റാ​റ​ൻ​റ്, നി​സാ​മ​ത്ത്​ ഹൈ​ദ​രാ​ബാ​ദ്, രാ​ജ​ധാ​നി റ​സ്​​റ്റാ​റ​ൻ​റ്, സീ​സേ​ഴ്​​സ്​ റ​സ്​​റ്റാ​റ​ൻ​റ്​ തു​ട​ങ്ങി​യ സ്ഥാ​പ​ന​ങ്ങ​ളു​ടെ കൗ​ണ്ട​റു​ക​ൾ ഫു​ഡ്​ ഫെ​സ്​​റ്റി​വ​ലി​നെ ധ​ന്യ​മാ​ക്കി.വൈ​വി​ധ്യ​മാ​ർ​ന്ന ചാ​യ സ​ന്ദ​ർ​ശ​ക​ർ​ക്ക്​ രു​ചി​ച്ച്​ നോ​ക്കാ​ൻ അ​വ​സ​ര​മു​ണ്ടാ​യി​രു​ന്നു.

വി​ജ്ഞാ​ന​ത്തി​ലേ​ക്ക്​ വി​ര​ൽ​ചൂ​ണ്ടിപു​സ്​​ത​ക​മേ​ള

കു​വൈ​ത്ത്​ സി​റ്റി: ഇ​ന്ത്യ​യെ കു​റി​ച്ച്​ വി​വ​രി​ക്കു​ന്ന​തും വി​വി​ധ വി​ജ്ഞാ​ന മേ​ഖ​ല​ക​ളി​ലെ ഇ​ന്ത്യ​ൻ പു​സ്​​ത​ക​ങ്ങ​ളും പു​സ്​​ത​ക മേ​ള​യെ ഹൃ​ദ്യ​മാ​ക്കി. ഇ​രു​ന്ന്​ വാ​യി​ക്കാ​ൻ വി​ശാ​ല​മാ​യ സൗ​ക​ര്യ​മാ​ണ്​ ഒ​രു​ക്കി​യി​രു​ന്ന​ത്. കോ​ർ​ട്ട്​​യാ​ർ​ഡി​ൽ ഇ​ട​മു​റി​യാ​തെ പു​സ്​​ത​ക വാ​യ​ന​യു​ണ്ടാ​യി. വി​ദ്യാ​ർ​ഥി​ക​ൾ മാ​റി​മാ​റി ശ്ര​ദ്ധേ​യ​മാ​യ പു​സ്​​ത​ക​ങ്ങ​ളു​ടെ പ്ര​ധാ​ന ഭാ​ഗ​ങ്ങ​ൾ വാ​യി​ച്ചു.

ഇ​ന്ത്യ​ൻ ഉ​ൽ​പ​ന്ന​ങ്ങ​ളു​ടെ വൈ​വി​ധ്യം

കു​വൈ​ത്ത്​ സി​റ്റി: ഇ​ന്ത്യ​ൻ ഉ​ൽ​പ​ന്ന​ങ്ങ​ളു​ടെ വൈ​വി​ധ്യ​വും ഗു​ണ​മേ​ന്മ​യും പ​രി​ച​യ​പ്പെ​ടു​ത്താ​ൻ ഉ​ത​കു​ന്ന​താ​യി​രു​ന്നു 'സ്‌​പ്ലെ​ൻ​ഡേ​ഴ്‌​സ് ഓ​ഫ് ഇ​ന്ത്യ' ഫെ​സ്​​റ്റി​വ​ൽ. ഇ​ന്ത്യ​ൻ വ​സ്​​ത്ര​ങ്ങ​ൾ, ഭ​ക്ഷ​ണ പ​ദാ​ർ​ഥ​ങ്ങ​ൾ, ആ​ഭ​ര​ണ​ങ്ങ​ൾ, ആ​യു​ർ​വേ​ദ ഉ​ൽ​പ​ന്ന​ങ്ങ​ൾ, തേ​യി​ല, സു​ഗ​ന്ധ​വ്യ​ഞ്​​ജ​ന വ​സ്​​തു​ക്ക​ൾ, ഇ​ന്ത്യ​ൻ ബൈ​ക്കു​ക​ൾ, ജ​ല ശു​ദ്ധീ​ക​ര​ണ യ​ന്ത്രം തു​ട​ങ്ങി​യ​വ പ്ര​ദ​ർ​ശി​പ്പി​ച്ചു.

കു​വൈ​ത്തി​ൽ ഇ​ന്ത്യ​ൻ ഉ​ൽ​പ​ന്ന​ങ്ങ​ൾ​ക്ക്​ വി​പ​ണി വ്യാ​പി​പ്പി​ക്കാ​ൻ ല​ക്ഷ്യ​മി​ട്ട്​ എം​ബ​സി ന​ട​ത്തു​ന്ന വി​വി​ധ പ്ര​വ​ർ​ത്ത​ന​ങ്ങ​ളു​ടെ തു​ട​ർ​ച്ച​യാ​ണ്​ ഈ ​പ്ര​ദ​ർ​ശ​ന​വും. വി​വി​ധ വ്യാ​പാ​ര സ്ഥാ​പ​ന​ങ്ങ​ളും ബ്രാ​ൻ​ഡു​ക​ളും ഇ​തി​നോ​ട്​ പൂ​ർ​ണാ​ർ​ഥ​ത്തി​ൽ സ​ഹ​ക​രി​ച്ചു.