ഇല്യാസ്‌ പാടത്തിന് കെ.സി.എം.എ യാത്രയയപ്പ്

കുവൈത്ത് സിറ്റി: കുവൈത്തിലെ പ്രവാസ ജീവിതം അവസാനിപ്പിച്ച് നാട്ടിലേക്ക്‌ മടങ്ങുന്ന കെ.സി.എം.എ വർക്കിങ് കമ്മിറ്റി അംഗം ഇല്യാസ് പാടത്തിന് കുവൈത്ത്‌ ചേമഞ്ചേരി മുസ്ലിം അസോസിയേഷൻ യാത്രയയപ്പ്‌ നൽകി. പ്രസിഡൻറ് സുൽഫികർ തിരുവങ്ങൂരും അസീസ് കാപ്പാടും ചേർന്ന് ഉപഹാരം കൈമാറി. യൂസുഫ് അമ്മിക്കണ്ണാടി, പി.പി. അഷ്‌റഫ്, ബഷീർ റജബ്, മെഹബൂബ് നടമ്മൽ, ഗഫൂർ നൂർമഹൽ, ടി.കെ. മുനീർ, റഊഫ് റഹ്‌മ, യാസിർ കാപ്പാട്, ഹിദാസ് തൊണ്ടിയിൽ, നാസർ കണ്ണങ്കണ്ടി, കബീർ കാപ്പാട് എന്നിവർ സംബന്ധിച്ചു. സുൽഫികർ തിരുവങ്ങൂർ അധ്യക്ഷത വഹിച്ചു. ആസിഫ് അലി സ്വാഗതവും അഷ്‌റഫ് കേളോത്ത് നന്ദിയും പറഞ്ഞു.