വൈറസി​െൻറ രണ്ടാം വ്യാപനത്തെ ഭയക്കണം –ആരോഗ്യ മന്ത്രാലയം

കുവൈത്ത്​ സിറ്റി: ​കൊറോണ വൈറസി​െൻറ രണ്ടാം വ്യാപനത്തിനെതിരെ ജാഗ്രത പുലർത്തണമെന്ന് കുവൈത്ത്​ ആരോഗ്യ മന്ത്രാലയം ആവശ്യപ്പെട്ടു. സമീപ ദിവസങ്ങളിലെ കൂടുതൽ കേസുകളും തീവ്രപരിചരണത്തിലുള്ളവരുടെയും മരിക്കുന്നവരുടെയും എണ്ണവും ജാഗ്രത ആവശ്യപ്പെടുന്നുണ്ട്​.

വരുന്ന ആഴ്​ചകൾ നിർണായകമാണ്​. മാസ്​ക്​ ധരിക്കുന്നതും സാമൂഹിക അകലം പാലിക്കുന്നതും ഉൾപ്പെടെ കോവിഡ്​ പ്രതിരോധ നടപടികളിൽ വിട്ടുവീഴ്​ച ചെയ്യരുത്​.ലോകം മൊത്തം വൈറസി​െൻറ രണ്ടാം വരവി​െൻറ സാധ്യതയെക്കുറിച്ച്​ സംസാരിക്കുന്നുണ്ട്​. കുവൈത്തും ഇൗ അപകടാവസ്ഥയിൽനിന്ന്​ മുക്​തമല്ല.

ആരോഗ്യ മാർഗനിർദേശങ്ങൾ പാലിക്കുക മാത്രമാണ്​ വഴി. വീണ്ടും ലോക്ഡൗൺ ഏ​ർപ്പെടുത്തുന്നത്​ സംബന്ധിച്ച്​ ഇതുവരെ തീരുമാനമെടുത്തിട്ടില്ല. സ്വയം നിയന്ത്രണത്തിലൂടെ കോവിഡിനെ ​പ്രതിരോധിക്കാനാണ്​ താൽപര്യപ്പെടുന്നത്​.കാര്യങ്ങൾ കൈവിട്ടുപോവുന്ന ഘട്ടം വന്നാൽ എല്ലാ സാധ്യതകളും പരിഗണിക്കേണ്ടിവരുമെന്ന്​ ആരോഗ്യ മന്ത്രാലയം വ്യക്​തമാക്കി.