ഫെഡറേഷൻ കപ്പ്​ ഹാൻഡ്​ബാൾ: കുവൈത്ത്​ സ്​പോർട്​സ്​ ക്ലബ്​ ജേതാക്കൾ

കുവൈത്ത്​ സിറ്റി: ഫെഡറേഷൻ കപ്പ്​ ഹാൻഡ്​ബാൾ ടൂർണമെൻറിൽ കുവൈത്ത്​ സ്​പോർട്​സ്​ ക്ലബ്​ ജേതാക്കളായി. ഫൈനലിൽ 26-20ന്​ അൽ അറബിയെയാണ്​ അവർ കീഴടക്കിയത്​. കസ്​മയെ 28-25ന്​ തകർത്ത്​​ ഖാദിസിയ മൂന്നാം സ്ഥാനം കരസ്ഥമാക്കി.

സമാപന ചടങ്ങിൽ ഫെഡറേഷൻ പ്രസിഡൻറ്​ റിട്ട. ലെഫ്​റ്റനൻറ്​ ജനറൽ നാസർ സാലിഹ്​ ബൂമർസൂഖ്​, സെക്രട്ടറി ഖൈദ്​ അൽ അദ്​വാനി, ബോർഡ്​ അംഗങ്ങളായ തലാൽ അൽ ഉതൈബി, ഫുആദ്​ അൽ ബലൂഷി എന്നിവർ സംബന്ധിച്ചു.

കുവൈത്ത്​ സ്​പോർട്​സ്​ ക്ലബി​െൻറ പത്താം കിരീട നേട്ടമാണിത്​. ​ശൈഖ്​ സഅദ്​ അൽ അബ്​ദുല്ല കോംപ്ലക്​സിൽ കാണികൾക്ക്​ പ്രവേശനമില്ലാതെയാണ്​ ടൂർണമെൻറ്​ നടത്തിയത്​. ഇത്തവണ കുവൈത്ത്​ പ്രീമിയർ ലീഗ്​ ഹാൻഡ്​ബാൾ ചാമ്പ്യൻഷിലും ജേതാക്കൾ കുവൈത്ത്​ സ്​പോർട്​സ്​ ക്ലബ്​ തന്നെയായിരുന്നു. മുഹമ്മദ്​ അൽ ഗർബലി, ഖാലിദ്​ അൽ ഗർബലി, അബ്​ദുല്ല അൽ ഗർബലി എന്നീ സഹോദരന്മാരുടെ ഉശിരൻ പ്രകടനമാണ്​ കുവൈത്ത്​ സ്​പോർട്​സ്​ ക്ലബിന് സീസണിൽ സമ്പൂർണ​ ആധിപത്യം നൽകിയത്.