ഫി​ലി​പ്പീനോ തൊ​ഴി​ൽ അ​പേ​ക്ഷ​ക​ൾ 23 മു​ത​ൽ ആ​രം​ഭി​ക്കും

കു​വൈ​ത്ത് സി​റ്റി: ഫി​ലി​പ്പീ​നോ തൊ​ഴി​ലാ​ളി​ക​ൾ​ക്കു​ള്ള തൊ​ഴി​ൽ അ​പേ​ക്ഷ​ക​ൾ സ്വീ​ക​രി​ക്കു​ന്ന ന​ട​പ​ടി ഈ ​മാ​സം 23 മു​ത​ൽ ആ​രം​ഭി​ക്കും. ഫി​ലി​പ്പീ​ൻ​സി​ൽനി​ന്ന് ഗാ​ർ​ഹി​ക തൊ​ഴി​ലാ​ളി​ക​ളെ കൊ​ണ്ടു​വ​രാ​ൻ പ്രാ​ദേ​ശി​ക റി​ക്രൂട്ട്മെന്റ് ഓ​ഫി​സു​ക​ൾ പൂ​ർ​ണ​മാ​യും ത​യാ​റാ​ണെ​ന്ന് വീ​ട്ടു​ ജോ​ലി​ക്കാ​രു​ടെ റി​ക്രൂട്ട്മെന്റ് ഓ​ഫി​സ് ഉ​ട​മ​ക​ളു​ടെ യൂ​നി​യ​ൻ ഡ​യ​റ​ക്ട​ർ ജ​ന​റ​ലും ഉ​പ​ദേ​ശ​ക​നു​മാ​യ അ​ബ്ദു​ൽ അ​സീ​സ് അ​ൽ അ​ലി അ​റി​യി​ച്ചു. ഫി​ലി​പ്പീനോ​ക​ൾ​ക്ക് ഏ​ർ​പ്പെ​ടു​ത്തി​യി​രു​ന്ന വി​സ വി​ല​ക്ക് കു​വൈ​ത്ത് അ​ടു​ത്തി​ടെ പി​ൻ​വ​ലി​ച്ച​തോ​ടെ​യാ​ണ് ന​ട​പ​ടി​ക​ൾ​ക്ക് വേ​ഗം കൂ​ടി​യ​ത്. ഇ​തു​സം​ബ​ന്ധി​ച്ച് ഉ​പ പ്ര​ധാ​ന​മ​ന്ത്രി​യും പ്ര​തി​രോ​ധ-​ആ​ഭ്യ​ന്ത​ര മ​ന്ത്രി​യു​മാ​യ ശൈ​ഖ് ഫ​ഹ​ദ് അ​ൽ യൂ​സ​ഫ് അ​സ്സ​ബാ​ഹും ഫി​ലി​പ്പീ​ൻ കു​ടി​യേ​റ്റ തൊ​ഴി​ൽ വ​കു​പ്പ് ഡെ​പ്യൂ​ട്ടി മ​ന്ത്രി ബ​ർ​ണാ​ഡ് ഒ​ലാ​ലി​യ​യും ത​മ്മി​ൽ ന​ട​ത്തി​യ ച​ർ​ച്ച​യി​ലാ​ണ് ധാ​ര​ണ​യാ​യ​ത്. തു​ട​ർ​ന്ന് ഫി​ലി​പ്പീ​നോ​ക​ൾ​ക്ക് എ​ല്ലാ​ത്ത​രം വി​സ​ക​ളും പു​ന​രാ​രം​ഭി​ക്കു​ക​യും വീ​ട്ടു​ജോ​ലി​ക്കാ​രു​ടെ റി​ക്രൂട്ട്മെന്റിന് അ​നു​മ​തി ന​ൽ​കു​ക​യും ചെ​യ്തി​രു​ന്നു.