അർദിയയിൽ റസ്റ്റാറൻറിൽ തീപിടിത്തം

കുവൈത്ത് സിറ്റി: അർദിയയിലെ റസ്റ്റാറൻറിൽ തീപിടിത്തമുണ്ടായി. അഗ്നിശമന സേന എത്തി രക്ഷാപ്രവർത്തനം നടത്തിയതിനാൽ തീ മറ്റു ഭാഗങ്ങളിലേക്ക് പടർന്നില്ല.

ആർക്കും പരിക്കേറ്റിട്ടില്ല. തീപിടിത്തത്തിന്റെ കാരണം അറിയാൻ അന്വേഷണം ആരംഭിച്ചു. അഗ്നിസുരക്ഷ മാർഗനിർദേശങ്ങൾ ലംഘിക്കപ്പെട്ടിട്ടുണ്ടെങ്കിൽ പിഴ ചുമത്തുമെന്ന് അധികൃതർ പറഞ്ഞു.