കുവൈത്തിൽ തീപിടിത്തം: എട്ട്​ കുട്ടികൾ മരിച്ചു

കുവൈത്ത്​ സിറ്റി: കുവൈത്തിലുണ്ടായ തീപിടിത്തത്തിൽ എട്ട്​ കുട്ടികൾ വെന്തുമരിച്ചു. സബാഹ്​ അൽ അഹ്​മദ്​ റെസിഡൻഷ്യൽ ഏരിയയിലാണ്​ സംഭവം. കുവൈത്തി കുടുംബങ്ങളിലെ കുട്ടികളാണ്​ മരിച്ചതെന്നാണ്​ വിവരം. ശനിയാഴ്​ച വൈകീട്ടാണ്​ സംഭവം.

വിവരം ലഭിച്ച അഗ്​നിശമന വിഭാഗം അൽകൂത്ത്​, വഫ്ര എന്നിവിടങ്ങളിൽനിന്ന്​ സംഭവസ്ഥലത്തേക്ക്​ കുതിച്ചെത്തി രക്ഷാപ്രവർത്തനത്തിന്​ നേതൃത്വം നൽകി. ഏറെ കഷ്​ടപ്പെട്ടാണ്​ തീയിൽ അകപ്പെട്ടവരെ പുറത്തെത്തിച്ചത്​.

പൊള്ളലേറ്റവർ അദാൻ ആശുപത്രിയിൽ ചികിത്സയിലാണ്​. അഗ്​നിശമന വിഭാഗവും പൊലീസും ​അന്വേഷണം ആരംഭിച്ചു.