സുലൈബിയ കാർഷിക മേഖലയിൽ തീപിടിത്തം

കുവൈത്ത്​ സിറ്റി: സുലൈബിയ കാർഷിക മേഖലയിലെ തീപിടിത്തം അഗ്​നിശമന വകുപ്പ്​ നിയന്ത്രണ വിധേയമാക്കി. ബുധനാഴ്​ച പുലർച്ച ഒന്നിന്​ ശേഷമാണ്​ സംഭവം. വിവിധ ഭാഗങ്ങളിൽനിന്ന്​ വന്ന എട്ട്​ യൂനിറ്റ്​ അഗ്​നിശമനസേനാംഗങ്ങളും നാഷനൽ ഗാർഡും സൈന്യവും ചേർന്ന്​ ഏറെ പ​രിശ്രമിച്ച്​ തീയണച്ചു. ആളപായമില്ല. സാധന സാമഗ്രികൾ കത്തിനശിച്ച്​ വൻ സാമ്പത്തിക നഷ്​ടമുണ്ട്​.