അഗ്​നിശമന വകുപ്പ്​ 20,000 പേർക്ക്​ മരുന്നെത്തിച്ചു

കുവൈത്ത്​ സിറ്റി: കുവൈത്ത്​ അഗ്​നിശമനസേന കഴിഞ്ഞ 23 ദിവസത്തിനിടെ 20,000 പേർക്ക്​ മരുന്ന്​ എത്തിച്ചുനൽകി. കോവിഡ്​ പ്രതിരോധ പ്രവർത്തനങ്ങളുടെ ഭാഗമായി ആശുപത്രികൾക്കും പുറംസഞ്ചാരത്തിനും നിയന്ത്രണം ഏർപ്പെടുത്തിയ പശ്ചാത്തലത്തിൽ സ്ഥിരം രോഗികൾക്കും ഗുരുതര രോഗമുള്ളവർക്കും മരുന്ന്​ വീട്ടിലെത്തിച്ചുനൽകുന്ന പദ്ധതി നടപ്പാക്കിയിരുന്നു. ആരോഗ്യമന്ത്രാലയവുമായി സഹകരിച്ച്​ അഗ്​നിശമന വകുപ്പാണ്​ ഇൗ ഉത്തരവാദിത്തം ഏറ്റെടുത്തത്​. വൈറസ്​ വ്യാപനം തടയുകയും ആശുപത്രികളിൽ തിരക്ക്​ ഒഴിവാക്കുകയുമാണ്​ ഇതുകൊണ്ട്​ ലക്ഷ്യമാക്കുന്നത്​. അടിയന്തര ചികിത്സ ആവശ്യമുള്ളവരെ മാത്രമേ ഇപ്പോൾ ആശുപത്രികളിൽ പ്രവേശിപ്പിക്കുന്നുള്ളൂ.

പേര്​, സിവിൽ ​െഎഡി നമ്പർ, ആശുപത്രി/ക്ലിനിക്​ എന്നിവിടങ്ങളിലെ ഫയൽ നമ്പർ, മൊബൈൽ ഫോൺ നമ്പർ, ആവശ്യമുള്ള മരുന്നുകളുടെ വിവരങ്ങൾ എന്നിവയാണ്​ വാട്​സ്​ആപ്പിൽ അയക്കേണ്ടത്​. 72 മണിക്കൂറിനകം മരുന്ന്​ വീട്ടിലെത്തുമെന്നാണ്​ ആരോഗ്യ മന്ത്രാലയത്തി​​െൻറ ഉറപ്പ്​.
അമീരി ആശുപത്രി (50880699), മുബാറക്​ അൽ കബീർ ആശുപത്രി (50880755), ഫർവാനിയ ആശുപത്രി (50880852), അദാൻ ആശുപത്രി (50880908), ജഹ്​റ ആശുപത്രി (50881066), സബാഹ്​ ആശുപത്രി (97632660), ജാബിർ ആശുപ​ത്രി (96992079), ഇബ്​നുസീന ആശുപത്രി (99613948), ചെസ്​റ്റ്​ ആശുപത്രി (99258749), റാസി ആശുപത്രി (97633487), കുവൈത്ത്​ കാൻസർ കൺട്രോൾ സ​െൻറർ (96735242), സൈക്യാട്രിക്​ ആശുപത്രി (97350113), ഫിസിയോ തെറപ്പി ആശുപത്രി (99824037), പ്രസവാശുപത്രി (98559531), അസ്​അദ്​ അൽ ഹമദ്​ ഡെർമറ്റോളജി സ​െൻറർ (98514508), സൈൻ ആശുപത്രി (97552031), എൻ.ബി.കെ ആശുപത്രി (96931761), അൽ റാഷിദ്​ അലർജി ആശുപത്രി (94162470), സബാഹ്​ അൽ അഹ്​മദ്​ യൂറോളജി സ​െൻറർ (90952469), പകർച്ചവ്യാധി ആശുപത്രി (96989164), പാലിയേറ്റിവ്​ കെയർ ആശുപത്രി (94024786), കെ.എഫ്​.എച്ച്​ അഡിക്​ഷൻ ട്രീറ്റ്​മ​െൻറ്​ സ​െൻറർ (94169363) എന്നിവിടങ്ങളിലാണ്​ ഇൗ സൗകര്യമുള്ളത്​. ജാബിർ അൽ അഹ്​മദ്​ ആംഡ്​ ഫോഴ്​സ്​ ആശുപത്രിയിൽനിന്ന്​ അടുത്തയാഴ്​ച മുതൽ മരുന്ന്​ വിതരണം നടത്തുമെന്ന്​ അഗ്​നിശമന വകുപ്പ്​ മേധാവി ഖാലിദ്​ മിക്​റാദ്​ വ്യക്​തമാക്കി.