പ്രത്യേക വിമാനങ്ങൾക്ക്​ കു​വൈത്തിന്​ സമ്മതം; ഇനി പറയേണ്ടത്​ ഇന്ത്യ

കുവൈത്ത്​ സിറ്റി: കുവൈത്തിൽ കുടുങ്ങിയ ഇന്ത്യക്കാരെ തിരിച്ചെത്തിക്കാൻ പ്രത്യേക വിമാനങ്ങൾ ഏർപ്പെടുത്തണമെന്ന ആവശ്യം കേന്ദ്ര സർക്കാർ അംഗീകരിച്ചില്ല. അന്താരാഷ്​ട്ര വിമാന സർവീസുകൾക്ക്​ അനുമതി നൽകില്ലെന്ന്​ കേന്ദ്ര വ്യോമയാന മ​ന്ത്രി ഹർദീപ്​ സിങ്​ പുരി തിങ്കളാഴ്​ച ആവർത്തിച്ചു. മാർച്ച്​ 23 മുതൽ ഏപ്രിൽ 14 വരെയാണ്​ വിലക്ക്​ പ്രാബല്യത്തിൽ​. അടിയന്തരമായി തിരിച്ചുപോവേണ്ടവർക്കായി പ്രത്യേക വിമാന സർവിസിന്​​ കുവൈത്ത്​ ഭരണകൂടത്തി​​െൻറ അനുമതിയുണ്ട്​. ലെബനോൻ, ഇൗജിപ്​ത്​, ഫിലിപ്പീൻസ്​ എന്നീ രാജ്യങ്ങൾ ഇങ്ങനെ നിരവധി പേരെ തിരിച്ചുകൊണ്ടുപോയി.

കാർഗോ വിമാനങ്ങളും വിദേശികളെ തിരിച്ചുകൊണ്ടുപോവാനുള്ള പ്രത്യേക വിമാനങ്ങളും ഒഴികെ വിമാന സർവീസുകൾക്കാണ്​ ഇന്ത്യ വിലക്ക്​ ഏർപ്പെടുത്തിയത്​​. വിദേശികളെ തിരിച്ചു​കൊണ്ടുപോവാൻ അനുമതി നൽകുന്ന കേന്ദ്രസർക്കാർ സ്വന്തം പൗരന്മാരെ തിരിച്ചെത്തിക്കാനും താൽപര്യമെടുക്കണമെന്നാണ്​ ആവശ്യം. പ്രായമായവരും രോഗികളും വിസ കാലാവധി കഴിഞ്ഞവരും നാട്ടിൽ അടിയന്തരമായി എത്തേണ്ടവരും ഉൾപ്പെടെ നിരവധി പേർ കുവൈത്തിൽ കുടുങ്ങിക്കിടക്കുന്നുണ്ട്​. യാത്രാവിമാന സർവീസുകൾ പെ​െട്ടന്ന്​ നിർത്തിയതോടെയാണ്​ പലരും ഇവിടെ കുടുങ്ങിയത്​. കഴിഞ്ഞ ആഴ്​ച നടത്തിയ പ്രത്യേക സർവീസിലൂടെ 1293 പേരെയാണ്​ ഇൗജിപ്​ത്​ തിരിച്ചുകൊണ്ടുപോയത്​. ഫിലിപ്പീൻസും ലെബനോനും ഇങ്ങനെ സർവീസ്​ നടത്തി. അതത്​ രാജ്യങ്ങളുടെ എംബസികളാണ്​ അടിയന്തരമായി അപേക്ഷ സ്വീകരിച്ച്​ നടപടിയെടുത്തത്​.