12 വിമാനങ്ങളിൽ 2571 വിദേശികൾ യാത്രയായി

കുവൈത്ത്​ സിറ്റി: കുവൈത്തിൽനിന്ന്​ ശനിയാഴ്​ച 12 വിമാനങ്ങളിൽ 2571 വിദേശികൾ തിരിച്ചുപോയി. തിരുച്ചിറപ്പള്ളി, ചെന്നൈ, ഡൽഹി (ഇന്ത്യ), കൈറോ (ഇൗജിപ്​ത്​), ബാംകോ (മാലി), സൊഹഗ് (ഇൗജിപ്​ത്​)​, ദോഹ (ഖത്തർ) എന്നിവിടങ്ങളിലേക്കാണ്​ വിമാന സർവിസ്​ നടത്തിയത്​. കൈറോയിലേക്ക്​ അഞ്ച്​ വിമാനങ്ങളും ചെന്നൈയിലേക്ക്​ രണ്ട്​ വിമാനങ്ങളും സർവിസ്​ നടത്തി.ഇന്ത്യയിലെ ഡൽഹി വഴി ഭുവനേശ്വറി​ലേക്ക്​ വന്ദേ ഭാരത്​ മിഷ​​െൻറ ഭാഗമായും തിരുച്ചിറപ്പള്ളി, ചെന്നൈ എന്നിവിടങ്ങളിലേക്ക്​ പൊതുമാപ്പിന്​ രജിസ്​റ്റർ ചെയ്​തവരുമായുമാണ്​ വിമാനം പറന്നത്​. 

ഡൽഹിയിലേക്ക്​ എയർ ഇന്ത്യയും തിരുച്ചിറപ്പള്ളി, ചെന്നൈ എന്നിവിടങ്ങളിലേക്ക്​ കുവൈത്ത്​ എയർവേ​സും സർവിസ്​ നടത്തി. ചെന്നൈയിലേക്കുള്ള രണ്ട്​ വിമാനങ്ങളിലും 334 യാത്രക്കാർ വീതം ഉണ്ടായിരുന്നു. തിരുച്ചിറപ്പള്ളിയിലേക്ക്​ 130 പേരാണ്​ പോയത്​. ഡൽഹി വിമാനത്തിൽ 156 യാത്രക്കാരാണ്​ ഉണ്ടായിരുന്നത്​.