22 വിമാനങ്ങളിൽ 4475 വിദേശികൾ തിരിച്ചുപോയി

കുവൈത്ത്​ സിറ്റി: കുവൈത്തിൽനിന്ന്​ തിങ്കളാഴ്​ച 22 വിമാനങ്ങളിലായി 4475 വിദേശികൾ തിരിച്ചുപോയി. കൈറോ, സൊഹഗ്, ലക്​സർ, അലക്​സാൺഡ്രിയ (ഇൗജിപ്​ത്​), ഷിറാസ്​, ഇസ്​ഫഹാൻ (ഇറാൻ), തിരുച്ചിറപ്പള്ളി, കൊൽക്കത്ത (ഇന്ത്യ), ഇവാറ്റോ (മഡഗാസ്​കർ), ലിലോങ്​വേ (മലാവി), ധാക്ക (ബംഗ്ലാദേശ്​), ദോഹ (ഖത്തർ) എന്നിവിടങ്ങളിലേക്കാണ്​ വിമാന സർവിസ്​ നടത്തിയത്​. കൂടുതൽ സർവിസുകൾ ഉണ്ടായിരുന്നത്​ ഇൗജിപ്​തിലേക്കാണ്​. കൈറോയിലേക്കു​ മാത്രം ഏഴ്​ വിമാനങ്ങളുണ്ടായി. കൂടാതെ സൊഹഗ്​, ലക്​സർ, അലക്​സാൺഡ്രിയ എന്നിവിടങ്ങളിലേക്കും സർവിസുണ്ടായി.

ഇന്ത്യയിലേക്ക്​ പൊതുമാപ്പിന്​ രജിസ്​റ്റർ ചെയ്​ത്​ ക്യാമ്പിൽ കഴിയുന്നവരെയാണ്​ കൊണ്ടുപോയത്​. തിരുച്ചിറപ്പള്ളി വിമാനത്തിൽ 130 പേരും കൊൽക്കത്ത വിമാനത്തിൽ 212 പേരുമാണ്​ ഉണ്ടായിരുന്നത്​. കുവൈത്ത്​ എയർവേസാണ്​ സർവിസ്​ നടത്തിയത്​. വന്ദേഭാരത്​ മിഷ​​െൻറ കേരളത്തിലേക്കുള്ള സര്‍വിസുകള്‍ മേയ്​ ഒമ്പതിനും 12നും കോഴിക്കോേട്ടക്കും 14ന് കൊച്ചിയിലേക്കുമാണ്.ഡല്‍ഹി, മുംബൈ, ചെന്നൈ, ബംഗളൂരു, ലഖ്​നോ, ജയ്പുര്‍, അമൃത്‌സര്‍, ഹൈദരാബാദ് എന്നിവിടങ്ങളിലേക്കാണ്​ മറ്റു സര്‍വിസുകള്‍. കേരളത്തിന്​ പുറത്ത്​ ജയ്പുരിലേക്കു മാത്രം രണ്ടു സര്‍വിസുകളുണ്ട്​.