ഫോഗിങ്​ മെഷീൻ കൈമാറി

കുവൈത്ത്​ സിറ്റി: കോവിഡ് വ്യാപന സാഹചര്യത്തിൽ അണുനശീകരണത്തിനായി വൈറ്റ്ഗാർഡിന് ഗ്ലോബൽ കെ.എം.സി.സി ഫോഗിങ്​ മെഷീൻ നൽകി. പയ്യോളി മുനിസിപ്പൽ മുസ്​ലിം ലീഗ് ഓഫിസിൽ ഗ്ലോബൽ കെ.എം.സി.സി പ്രസിഡൻറ്​ ബഷീർ മേലടിയുടെ അധ്യക്ഷതയിൽ ചേർന്ന ചടങ്ങിൽ മുനിസിപ്പൽ മുസ്​ലിംലീഗ് പ്രസിഡൻറ്​ സി.പി. സദഖത്തുല്ല യൂത്ത് ലീഗ് പ്രസിഡൻറ്​ എസ്.കെ. സമീറിന് കൈമാറി. മണ്ഡലം മുസ്​ലിംലീഗ് ട്രഷറർ മഠത്തിൽ അബ്​ദുറഹ്​മാൻ, ചെറക്കോത്ത് ലത്തീഫ്, കെ.പി.സി. ശുക്കൂർ, എം.സി. അബ്​ദുറസാഖ്, എ.സി. സുനൈദ് എന്നിവർ സംസാരിച്ചു. ഗ്ലോബൽ കെ.എം.സി.സി ജനറൽ സെക്രട്ടറി ഫവാസ് കാട്ടൊടി സ്വാഗതവും കോഒാഡിനേറ്റർ നിസാർ പയലൻ നന്ദിയും പറഞ്ഞു.