സഹകരണം ചർച്ചചെയ്ത് വിദേശകാര്യമന്ത്രി-യു.കെ സ്റ്റേറ്റ് സെക്രട്ടറി കൂടിക്കാഴ്ച

കു​വൈ​ത്ത് സി​റ്റി: വി​ദേ​ശ​കാ​ര്യ മ​ന്ത്രി ശൈ​ഖ് സ​ലീം അ​ബ്ദു​ല്ല അ​ൽ ജാ​ബി​ർ അ​സ്സ​ബാ​ഹ് യു.​കെ വി​ദേ​ശ​കാ​ര്യ, കോ​മ​ൺ​വെ​ൽ​ത്ത്, വി​ക​സ​ന​കാ​ര്യ​ങ്ങ​ൾ​ക്കു​ള്ള സ്റ്റേ​റ്റ് സെ​ക്ര​ട്ട​റി ജെ​യിം​സ് ക്ലെ​വ​ർ​ലി​യു​മാ​യി കൂ​ടി​ക്കാ​ഴ്ച ന​ട​ത്തി. ഇ​രു രാ​ജ്യ​ങ്ങ​ളും ത​മ്മി​ലു​ള്ള ഉ​ഭ​യ​ക​ക്ഷി, ച​രി​ത്ര​പ​ര​മാ​യ ബ​ന്ധ​ങ്ങ​ളെ​ക്കു​റി​ച്ചും വി​വി​ധ മേ​ഖ​ല​ക​ളി​ലെ സ​ഹ​ക​ര​ണം വ​ർ​ധി​പ്പി​ക്കു​ന്ന​തി​നു​ള്ള വ​ഴി​ക​ളെ​ക്കു​റി​ച്ചും കൂ​ടി​ക്കാ​ഴ്ച​യി​ൽ സ്പ​ർ​ശി​ച്ചു. ഏ​റ്റ​വും പു​തി​യ രാ​ഷ്ട്രീ​യ പ്രാ​ദേ​ശി​ക, ആ​ഗോ​ള സം​ഭ​വ​വി​കാ​സ​ങ്ങ​ളെ​ക്കു​റി​ച്ചും ഇ​രു​വ​രും ച​ർ​ച്ച​ചെ​യ്തു.

കു​വൈ​ത്തി​നും ഇ​റാ​ഖി​നും ഇ​ട​യി​ലു​ള്ള ക​ട​ൽ അ​തി​ർ​ത്തി​ക​ൾ നി​ർ​ണ​യി​ക്കു​ന്ന​തി​നു​ള്ള സാ​ങ്കേ​തി​ക​വും നി​യ​മ​പ​ര​വു​മാ​യ വ​ശ​ങ്ങ​ളി​ൽ സം​യു​ക്ത സം​ഭാ​ഷ​ണം തു​ട​രേ​ണ്ട​തി​ന്റെ പ്രാ​ധാ​ന്യ​വും സം​സാ​രി​ച്ചു.

ഭൂ​മി​യി​ലും സ​മു​ദ്രാ​തി​ർ​ത്തി​യി​ലും രാ​ജ്യ​ങ്ങ​ളു​ടെ പ​ര​മാ​ധി​കാ​ര​ത്തോ​ടു​ള്ള അ​ന്ത​ർ​ദേ​ശീ​യ ക്ര​മ​വും ബ​ഹു​മാ​ന​വും നി​ല​നി​ർ​ത്തി നി​ഷ്പ​ക്ഷ​ത​യോ​ടെ​യും സ​മാ​ധാ​ന​പ​ര​മാ​യും പ്ര​തി​സ​ന്ധി​ക​ൾ പ​രി​ഹ​രി​ക്കു​ന്ന​തും ച​ർ​ച്ച​ചെ​യ്തു. ഫ​ല​സ്തീ​ൻ പ്ര​ശ്‌​ന​ത്തി​ന്റെ നി​ല​വി​ലെ സം​ഭ​വ​വി​കാ​സ​ങ്ങ​ൾ, അ​ൽ അ​ഖ്‌​സ മ​സ്ജി​ദി​നും മു​സ്‌​ലിം പു​ണ്യ​സ്ഥ​ല​ങ്ങ​ൾ​ക്കും നേ​രെ​യു​ള്ള ഇ​സ്രാ​യേ​ലി​ന്റെ ആ​വ​ർ​ത്തി​ച്ചു​ള്ള ആ​ക്ര​മ​ണ​ങ്ങ​ൾ, ഫ​ല​സ്തീ​ൻ ജ​ന​ത​ക്കെ​തി​രെ ന​ട​ന്നു​കൊ​ണ്ടി​രി​ക്കു​ന്ന ആ​സൂ​ത്രി​ത​വും ഗു​രു​ത​ര​വു​മാ​യ ലം​ഘ​ന​ങ്ങ​ളി​ലെ ആ​ശ​ങ്ക​ക​ളും ഇ​രു​വ​രും പ​ങ്കു​വെ​ച്ചു.

സ്വീ​ഡ​നി​ലും ഡെ​ന്മാ​ർ​ക്കി​ലും ഖു​ർ​ആ​ൻ കോ​പ്പി​ക​ൾ ക​ത്തി​ക്കു​ന്ന ആ​വ​ർ​ത്തി​ച്ചു​ള്ള കു​റ്റ​കൃ​ത്യ​ങ്ങ​ളെ ഇ​രു​വ​രും അ​പ​ല​പി​ച്ചു. വി​ദേ​ശ​കാ​ര്യ മ​ന്ത്രാ​ല​യം ഉ​ന്ന​ത ഉ​ദ്യോ​ഗ​സ്ഥ​രും കൂ​ടി​ക്കാ​ഴ്ച​യി​ൽ പ​​ങ്കെ​ടു​ത്തു.