ഫ്രഞ്ച് നാവികസേന യുദ്ധക്കപ്പൽ കുവൈത്തിൽ

കുവൈത്ത് സിറ്റി: ഫ്രഞ്ച് നാവികസേന യുദ്ധക്കപ്പലായ 'സർകൗഫ്' കുവൈത്തിൽ. 170 സൈനികരുമായാണ് കപ്പൽ എത്തിയത്. കുവൈത്ത് നാവികസേനയുമായും മറ്റു സൈനിക വിഭാഗങ്ങളുമായും സഹകരിച്ച് പരിശീലന പരിപാടികളിൽ സംബന്ധിച്ചു. 1990കളിൽ നിർമിച്ച സർകൗഫ് കപ്പൽ നിരവധി അന്താരാഷ്ട്ര ദൗത്യങ്ങളിൽ സംബന്ധിച്ചിട്ടുണ്ട്. 2022 ഏപ്രിൽ 19 മുതൽ ഹോർമുസ് കടലിടുക്കിലെ യൂറോപ്യൻ നേതൃത്വത്തിലുള്ള സമുദ്ര ബോധവത്കരണ ദൗത്യത്തിൽ പങ്കെടുത്തു.

നിലവിൽ, ഫ്രാൻസും അതിന്റെ സഖ്യകക്ഷികളും കുവൈത്ത് സായുധ സേനയുൾപ്പെടെയുള്ള പങ്കാളികളും തമ്മിലുള്ള ബന്ധവും സഹകരണവും ശക്തിപ്പെടുത്തുന്നതിനായി അറബ്-പേർഷ്യൻ ഗൾഫിലാണ് നിലയുറപ്പിച്ചിരിക്കുന്നത്.