പൊ​തു​മാ​പ്പ് തീ​രാ​ൻ ദി​വ​സ​ങ്ങ​ൾ; ഈ ​ആ​ഴ്ച ന​ട​പ​ടി​ക​ൾ പൂ​ർ​ത്തി​യാ​ക്ക​ണം

കു​വൈ​ത്ത് സി​റ്റി: രാ​ജ്യ​ത്ത് പ്ര​ഖ്യാ​പി​ച്ച പൊ​തു​മാ​പ്പ് കാ​ലാ​വ​ധി ഈ ​മാ​സം 17ന് ​അ​വ​സാ​നി​ക്കും. ഒ​ഴാ​ഴ്ച ബാ​ക്കി​യു​ണ്ടെ​ങ്കി​ലും ഇ​തി​നി​ട​യി​ൽ ബ​ലി​പെ​രു​ന്നാ​ൾ വ​രു​ന്ന​തി​നാ​ൽ ന​ട​പ​ടി​ക​ൾ ത​സ്സ​പ്പെ​ടാ​ൻ സാ​ധ്യ​ത​യു​ണ്ട്. 16നാ​ണ് കു​വൈ​ത്തി​ൽ ബ​ലി​പെ​രു​ന്നാ​ൾ. വെ​ള്ളി​യാ​ഴ്ച മു​ത​ൽ പെ​രു​ന്നാ​ൾ അ​വ​ധി ആ​രം​ഭി​ക്കു​ന്ന​തി​നാ​ൽ സ്ഥാ​പ​ന​ങ്ങ​ൾ അ​വ​ധി ആ​യി​രി​ക്കും. അ​തി​നാ​ൽ വെ​ള്ളി​യാ​ഴ്ച​ക്ക് മു​മ്പ് പൊ​തു​മാ​പ്പ് ഉ​പ​യോ​ഗ​പ്പെ​ടു​ത്തു​ന്ന ഇ​ന്ത്യ​ക്കാ​ര്‍ ആ​വ​ശ്യ​മാ​യ ന​ട​പ​ടി​ക​ള്‍ സ്വീ​ക​രി​ക്ക​ണ​മെ​ന്ന് ഇ​ന്ത്യ​ന്‍ എം​ബ​സി അ​റി​യി​ച്ചു.

ഇ​തി​നി​ടെ 35,000 പേ​ർ പൊ​തു​മാ​പ്പ് പ്ര​യോ​ജ​ന​പ്പെ​ടു​ത്തി​യ​താ​യി അ​ധി​കൃ​ത​ര്‍ അ​റി​യി​ച്ചു. ആ​നു​കൂ​ല്യം ഉ​പ​യോ​ഗി​ക്കാ​തെ രാ​ജ്യ​ത്ത് തു​ട​രു​ന്ന​വ​ർ​ക്കെ​തി​രെ ക​ടു​ത്ത ന​ട​പ​ടി സ്വീ​ക​രി​ക്കു​മെ​ന്ന് ആ​ഭ്യ​ന്ത​ര മ​ന്ത്രാ​ല​യം മു​ന്ന​റി​യി​പ്പ് ന​ൽ​കി. മാ​ർ​ച്ച് 17നാ​ണ് രാ​ജ്യ​ത്ത് മൂ​ന്നു മാ​സ​ത്തെ പൊ​തു​മാ​പ്പ് പ്ര​ഖ്യാ​പി​ച്ച​ത്. രാ​ജ്യ​ത്ത് താ​മ​സി​ക്കു​ന്ന താ​മ​സ നി​യ​മ​ലം​ഘ​ക​ർ​ക്ക് ഈ ​സ​മ​യ​ത്ത് ശി​ക്ഷ കൂ​ടാ​തെ രാ​ജ്യം വി​ടാ​നോ പി​ഴ​യ​ട​ച്ച് താ​മ​സം നി​യ​മ​വി​ധേ​യ​മാ​ക്കാ​നോ അ​വ​സ​ര​മു​ണ്ട്. ഇ​വ​ർ​ക്ക് പി​ന്നീ​ട് മ​റ്റൊ​രു വി​സ​യി​ൽ കു​വൈ​ത്തി​ലേ​ക്ക് മ​ട​ങ്ങി​വ​രാ​നും ക​ഴി​യും.

ഇ​തി​നാ​യി സാ​ധു​ത​യു​ള്ള രേ​ഖ​ക​ൾ കൈ​വ​ശ​മു​ള്ള​വ​ർ നേ​രി​ട്ട് റ​സി​ഡ​ന്‍സ് വ​കു​പ്പി​നെ സ​മീ​പി​ച്ച് ന​ട​പ​ടി​ക​ള്‍ പൂ​ർ​ത്തി​യാ​ക്ക​ണം. രേ​ഖ​ക​ൾ ഇ​ല്ലാ​ത്ത​വ​ർ അ​ത​തു രാ​ജ്യ​ത്തെ എം​ബ​സി​ക​ളി​ൽ​നി​ന്ന് ഔ​ട്ട്പാ​സ് ശേ​ഖ​രി​ച്ച് റ​സി​ഡ​ന്‍സ് വ​കു​പ്പി​ൽ എ​ത്ത​ണം. പൊ​തു​മാ​പ്പ് അ​വ​സ​രം പ്ര​യോ​ജ​ന​പ്പെ​ടു​ത്താ​നും പൊ​തു​മാ​പ്പ് കാ​ലാ​വ​ധി​ക്ക് ശേ​ഷം നി​യ​മ​വി​രു​ദ്ധ​മാ​യി രാ​ജ്യ​ത്ത് ക​ഴി​യു​ന്ന​വ​ർ​ക്കും ക​ന​ത്ത പി​ഴ​യും നി​യ​മ​ന​ട​പ​ടി​ക​ളും നേ​രി​ടേ​ണ്ടി​വ​രു​മെ​ന്നും ആ​ഭ്യ​ന്ത​ര മ​ന്ത്രാ​ല​യം വ്യ​ക്ത​മാ​ക്കി. ഇ​ത്ത​ര​ക്കാ​ര്‍ക്ക് രാ​ജ്യ​ത്തേ​ക്ക് പ്ര​വേ​ശി​ക്കു​ന്ന​തി​ന് ആ​ജീ​വ​നാ​ന്ത വി​ല​ക്കും ഏ​ര്‍പ്പെ​ടു​ത്തും. പൊ​തു​മാ​പ്പ് കാ​ലാ​വ​ധി നീ​ട്ടി​ല്ലെ​ന്നും അ​ധി​കൃ​ത​ര്‍ വ്യ​ക്ത​മാ​ക്കി.