ഗൂഗ്ൾ ക്ലൗഡ് ഡിജിറ്റൽ പരിവർത്തനം ത്വരിതപ്പെടുത്തും
text_fieldsകുവൈത്ത് സിറ്റി: രാജ്യത്ത് ഗൂഗ്ൾ ക്ലൗഡ് ഓഫിസ് ഉടന് തുറക്കുമെന്ന് കുവൈത്ത് ഡയറക്ട് ഇൻവെസ്റ്റ്മെന്റ് പ്രമോഷൻ അതോറിറ്റി അറിയിച്ചു. രാജ്യത്തെ ഡിജിറ്റൽ പരിവർത്തനം ത്വരിതപ്പെടുത്തുന്നതിന് ഗൂഗ്ളിന്റെ വരവ് സഹായകരമാകുമെന്ന് വാർത്താവിനിമയ കാര്യ മന്ത്രി ഒമർ അൽ ഒമർ പറഞ്ഞു.
‘വിഷന്-2035’നെ പിന്തുണക്കുന്നതിലെ മറ്റൊരു ചുവടുവെപ്പായാണ് കുവൈത്തില് ഓഫിസ് ആരംഭിക്കുന്നതെന്ന് ഗൂഗ്ൾ ക്ലൗഡ് മിഡിൽ ഈസ്റ്റ്, മാനേജിങ് ഡയറക്ടർ അബ്ദുൽറഹ്മാൻ അൽ തഹൈബാൻ പറഞ്ഞു. സഹകരണം വ്യാപിക്കുന്നതോടെ സര്ക്കാര് ഏജന്സികളുടെ വിവരവിനിമയ മേഖലയുടെ വികസനത്തിന് വേഗം കൈവരിക്കാനും സാങ്കേതിക വൈദഗ്ധ്യം വർധിപ്പിക്കാനും സൈബർ സുരക്ഷ മെച്ചപ്പെടുത്തുവാനും കഴിയും. സര്ക്കാര് സേവനങ്ങളുടെ ഡിജിറ്റലൈസേഷന് ത്വരിതപ്പെടുത്താനും ഗൂഗ്ള് ക്ലൗഡിന്റെ വരവ് സഹായകരമാകും. ഡാറ്റ അനലിറ്റിക്സ്, മെഷീൻ ലേണിങ്, ആർട്ടിഫിഷ്യൽ ഇന്റലിജൻസ്, ഇൻഫർമേഷൻ സെക്യൂരിറ്റി സൊലൂഷനുകൾ തുടങ്ങിയ സാങ്കേതിക വിദ്യകളില് നൈപുണ്യം വർധിപ്പിക്കാനും ജീവനക്കാരുടെ ഉൽപാദനക്ഷമത വർധിപ്പിക്കാനും ഇത് സഹായകരമാകും. 2023 ജനുവരിയിലാണ് കുവൈത്ത് സര്ക്കാറുമായി ചേര്ന്ന് ഗൂഗ്ൾ ക്ലൗഡ് പ്രവര്ത്തനമാരംഭിച്ചത്. ഗൂഗ്ളിന്റെ വരവോടെ ഐ.ടി മേഖലയില് വൈദഗ്ധ്യമുള്ള തൊഴിലവസരങ്ങൾ സൃഷ്ടിക്കാനും മേഖലയിലെ ഐ.ടി ഹബ്ബായി കുവൈത്ത് മാറുമെന്നുമാണ് പ്രതീക്ഷ.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.