ആരോഗ്യ പ്രവർത്തകർക്ക് പ്രത്യേക താമസസൗകര്യം വേണമെന്ന് ആവശ്യം

കുവൈത്ത്​ സിറ്റി: കുവൈത്തിൽ ആരോഗ്യ പ്രവർത്തകർക്ക്​ പ്രത്യേക താമസസൗകര്യം ഏർപ്പെടുത്തണമെന്ന ആവശ്യം ശക്​തം. ജ ോലികഴിഞ്ഞ്​ വീട്ടിലെത്തുന്ന നഴ്​സുമാരിൽനിന്നും മറ്റ് ആരോഗ്യ പ്രവർത്തകരിൽനിന്നും ജീവിതപങ്കാളിക്കും കുട് ടികൾക്കും രോഗംപകരുമോ എന്ന ആശങ്കയുണ്ട്​.
കുടുംബാംഗങ്ങൾ വഴി പുറത്തേക്കും വൈറസ്​ ബാധിക്കാൻ സാധ്യതയുണ്ട്​. മിക്കയാളുകളുടെയും ഇണകൾക്ക്​ പുറത്ത്​ മ​റ്റു കമ്പനികളിലാണ്​ ജോലി. ആരോഗ്യ പ്രവർത്തകർക്ക്​ പ്രത്യേക താമസകേന്ദ്രം ഒരുക്കിയില്ലെങ്കിൽ പ്രവാസികള്‍ തിങ്ങിപ്പാര്‍ക്കുന്ന മേഖലകളില്‍ കൂടുതല്‍ വ്യാപനത്തിന് കാരണമാകും.

സ്​കൂളുകൾ ഏറ്റെടുത്ത്​ നഴ്​സുമാരെ അവിടെ പാർപ്പിക്കണമെന്ന നിർദേശം ആ​രോഗ്യമന്ത്രാലയത്തിന്​ മുന്നിലുണ്ടായിരുന്നു. വിദ്യാഭ്യാസ മന്ത്രാലയം ഇതിന്​ സമ്മതം അറിയിച്ചതുമാണ്​. രോഗികളുടെയും നിരീക്ഷണത്തിൽ കഴിയുന്നവരുടെയും എണ്ണം വർധിച്ചുവരുന്നതിനാൽ സംവിധാനങ്ങൾ പരിമിതപ്പെട്ടുവരുകയാണ്​. ചിലർ ഇതിനകം സ്വന്തം നിലക്ക്​ മാറിത്താമസിക്കുകയോ കുട്ടികളെ മാറ്റിപ്പാർപ്പിക്കുകയോ ചെയ്​തിട്ടുണ്ട്​. നഴ്​സുമാരുടെ വീട്ടിൽ ​ജോലിക്കാരിയെ കിട്ടാത്ത സാഹചര്യവുമുണ്ട്​. രോഗം പടരാൻ സാധ്യതയുള്ളതിനാൽ ഗാർഹികത്തൊഴിലാളികൾ വരാൻ തയാറാവുന്നില്ല. ആരോഗ്യ പ്രവർത്തകരിൽനിന്ന്​ രോഗവ്യാപനത്തിന് സാധ്യതയുള്ളതിനാൽ ഇവരുടെ മക്കളെ അയൽപക്കത്തെ വീടുകളിലും ഏൽപിക്കാൻ കഴിയില്ല. ഭാര്യയും ഭർത്താവും ജോലിക്കുപോകേണ്ടിവരുമ്പോൾ കുട്ടികളെ നോക്കാൻ ആളില്ലാത്ത സാഹചര്യമാണ്. പ്രത്യേക വിമാനത്തിൽ കുട്ടികളെ നാട്ടിലയക്കണ​മെന്നാണ്​ മറ്റൊരാവശ്യം.