വീട്ടുനിരീക്ഷണത്തിലുള്ളവർ പുറത്തിറങ്ങിയാൽ നാടുകടത്തും

കു​​വൈത്ത്​ സിറ്റി: വീട്ടുനിരീക്ഷണത്തിലി​രിക്കേണ്ടവർ പുറത്തിറങ്ങിയാൽ പിടികൂടി നാടുകടത്തുമെന്ന്​ കുവൈത്ത ്​ ആഭ്യന്തര മന്ത്രാലയം മുന്നറിയിപ്പ്​ നൽകി. ഇതിനായി അധികൃതർ വിപുലമായ പരിശോധനക്കൊരുങ്ങുന്നു.

ഫെബ്രുവ രി 27 മുതൽ കൊറോണ വൈറസ്​ ബാധിത രാജ്യങ്ങളിൽനിന്ന്​ വന്നവർക്കാണ്​ വീട്ടുനിരീക്ഷണം നിർദേശിച്ചിട്ടുള്ളത്​. ഏത്​ രാജ്യക്കാരാണെന്നതും സിവിൽ ​െഎ.ഡി കാർഡിൽ രേഖപ്പെടുത്തിയിട്ടുണ്ട്​. കാർഡ്​ സ്​കാൻ ചെയ്​താൽ രാജ്യത്ത്​ അവസാനമായി പ്രവേശിച്ച തീയതി അറിയാൻ കഴിയും. ഇതുവഴി വീട്ടുനിരീക്ഷണത്തിൽ കഴി​യേണ്ടവരെ എളുപ്പം കണ്ടെത്താൻ കഴിയും.

ഇന്ത്യ, ബംഗ്ലാദേശ്​, ഇൗജിപ്​ത്​, ലെബനോൻ, ഫിലിപ്പീൻസ്​, ശ്രീലങ്ക, സിറിയ, അസർബൈജാൻ, ബെൽജിയം, ഫ്രാൻസ്​, ജർമനി, ജപ്പാൻ, നെതർലാൻഡ്​, നോർവേ, സിങ്കപ്പൂർ, സപെയിൻ, സ്വീഡൻ, സ്വിറ്റ്​സർലാഡ്​, ബ്രിട്ടൻ, അമേരിക്ക എന്നീ രാജ്യങ്ങളിൽനിന്ന്​ ഫെബ്രുവരി 27ന്​ ശേഷം കുവൈത്തിലെത്തിയവർക്കാണ്​ രണ്ടാഴ്​ച വീട്ടുനിരീക്ഷണം നിർബന്ധമാക്കിയിട്ടുള്ളത്​. ഇൗ ദിവസങ്ങളിൽ ജോലിക്ക്​ പോവാനോ പുറത്തിറങ്ങാനോ പാടില്ല.

നിരീക്ഷണ കാലയളവിനിടെ പനിയോ കഫക്കെ​േട്ടാ മറ്റു ശാരീരിക അസ്വസ്ഥതകളോ ഉണ്ടായാൽ അധികൃതരെ അറിയിക്ക​ണമെന്നും നിർദേശമുണ്ട്​. കൊറോണ വൈറസ്​ വ്യാപനം തടയാനുള്ള മുൻകരുതൽ നടപടികളുടെ ഭാഗമായാണ്​ ഇത്തരം നിയന്ത്രണം ഏർപ്പെടുത്തിയത്​. വീട്ടുനിരീക്ഷണം നിർദേശിച്ചരെ ജോലിക്ക്​ ഹാജരാകാൻ അനുവദിക്കരുതെന്നും ഇവരുടെ ശമ്പളം വെട്ടിക്കുറക്കാൻ പാടില്ലെന്നും തൊഴിലുടമകൾക്ക് നിർദേശമുണ്ട്​.