കൊറോണ കരിനിഴലും കടന്ന്​ തളിർക്കുന്ന പ്രതീക്ഷ

2020 ഫെ​ബ്ര​വ​രി 24 കൊ​റോ​ണ​യു​ടെ ആ​ദ്യ കേ​സ് കു​വൈ​ത്തി​ൽ റി​പ്പോ​ർ​ട്ട് ചെ​യ്​​ത​ത്​ മു​ത​ൽ ഭീ​തി​യോ​ടെ ആ​യി​രു​ന്നു അ​നേ​കാ​യി​രം പ്ര​വാ​സി​ക​ൾ ക​ഴി​ഞ്ഞു​കൂ​ടി​യ​ത്. നാ​ളി​തു​വ​രെ കേ​ട്ടു​കേ​ൾ​വി​യി​ല്ലാ​ത്ത വൈ​റ​സ് കാ​ര​ണം രാ​ജ്യാ​തി​ർ​ത്തി​ക​ളും ആ​രാ​ധ​നാ​ല​യ​ങ്ങ​ളും തൊ​ഴി​ലി​ട​ങ്ങ​ളു​മെ​ല്ലാം അ​ട​ക്ക​പ്പെ​ട്ടു. പ​രി​ചി​ത​രും അ​പ​രി​ചി​ത​രു​മാ​യ പ​ല​രും വൈ​റ​സ് കാ​ര​ണം ഈ ​ലോ​ക​ത്തോ​ട് വി​ട പ​റ​ഞ്ഞ​താ​യ വാ​ർ​ത്ത​ക​ൾ വ​ന്നു​കൊ​ണ്ടി​രി​ക്കു​ന്നു.

പു​റ​ത്തി​റ​ങ്ങ​രു​തെ​ന്ന്​ സ​ർ​ക്കാ​ർ നി​ർ​ദേ​ശി​ക്കു​ന്നു. ജോ​ലി​യും വ​രു​മാ​ന​വു​മി​ല്ലാ​തെ ജ​ന​ങ്ങ​ൾ പ്ര​തി​സ​ന്ധി​യി​ലാ​കു​ന്നു. പ​തി​റ്റാ​ണ്ടു​ക​ളാ​യി താ​മ​സി​ച്ചു​വ​ന്നി​രു​ന്ന കെ​ട്ടി​ട​ത്തി​ൽ​നി​ന്ന്​ ഒ​ഴി​ഞ്ഞു​പോ​ക​ണ​മെ​ന്ന് ബ​ന്ധ​പ്പെ​ട്ട​വ​ർ ആ​വ​ശ്യ​പ്പെ​ടു​ന്നു. ആ​ളു​ക​ൾ ഭ​യ​ത്തോ​ടെ മ​റ്റു റൂ​മു​ക​ൾ തേ​ടി സ​ഞ്ച​രി​ക്കു​ന്നു. പ​ല​രും അ​ടു​ക്കാ​ൻ​പോ​ലും അ​നു​വ​ദി​ക്കാ​തെ ഒ​ഴി​ഞ്ഞു​മാ​റു​ന്നു. ഭീ​ക​ര​മാ​യി​രു​ന്നു അ​വ​സ്ഥ.

അ​നേ​കാ​യി​രം പ്ര​വാ​സി​ക​ളെ പോ​ലെ ജ​നി​ച്ചു​വ​ള​ർ​ന്ന സ്വ​ന്തം നാ​ട്ടി​ൽ ആ​റ​ടി മ​ണ്ണ് എ​​െൻറ​യും ല​ക്ഷ്യ​മാ​യി​രു​ന്നു. അ​തു​കൊ​ണ്ടു​ത​ന്നെ നാ​ട്ടി​ൽ എ​ത്താ​ൻ പ​ല മാ​ർ​ഗ​ങ്ങ​ൾ തേ​ടി. പ​ല​രെ​യും സ​മീ​പി​ച്ചു. സം​ഘ​ട​ന നേ​താ​ക്ക​ളെ ബ​ന്ധ​പ്പെ​ട്ടു. ചാ​ർ​ട്ടേ​ഡ് വി​മാ​നം ഉ​ണ്ടെ​ന്ന് സോ​ഷ്യ​ൽ മീ​ഡി​യ​യി​ൽ കാ​ണു​മ്പോ​ൾ ക​ണ്ട ന​മ്പ​റു​ക​ളി​ൽ ഒ​ക്കെ​യും വി​ളി​ച്ചു​നോ​ക്കി. സീ​റ്റ് ഫു​ൾ ആ​യി​പ്പോ​യി, സ്ത്രീ​ക​ൾ​ക്കും മു​തി​ർ​ന്ന​വ​ർ​ക്കു​മാ​ണ് മു​ൻ​ഗ​ണ​ന എ​ന്നി​ങ്ങ​നെ മ​റു​പ​ടി​ക​ൾ കേ​ട്ട്​ നി​രാ​ശ ബാ​ക്കി​യാ​യി.

പ്രി​യ​പ്പെ​ട്ട​വ​രു​ടെ പ്രാ​ർ​ഥ​ന​യും സ്നേ​ഹ​വും പി​ന്തു​ണ​യും​കൊ​ണ്ട് ആ ​അ​പ​ക​ട​കാ​ല​ത്തെ അ​തി​ജീ​വി​ച്ച് ഇ​ന്നു​വ​രെ ഈ ​മ​രു​മ​ണ്ണി​ൽ ജീ​വ​ൻ നി​ല​നി​ർ​ത്താ​ൻ ക​ഴി​ഞ്ഞു. പ്ര​തീ​ക്ഷ​ക​ൾ വീ​ണ്ടും പൂ​ത്തു​വ​രു​ന്ന​തി​നി​ടെ​യാ​ണ്​ വൈ​റ​സ്​ വീ​ണ്ടും പി​ടി​മു​റു​ക്കു​ന്ന​തി​െൻറ വാ​ർ​ത്ത​ക​ൾ വ​രു​ന്ന​ത്. 2021 ശു​ഭ​ക​ര​മാ​കു​മെ​ന്ന ​പ്ര​തീ​ക്ഷ ത​ക​ർ​ത്താ​ണ്​ വൈ​റ​സ്​ വ്യാ​പ​നം. വീ​ണ്ടും പ്ര​തീ​ക്ഷി​ക്കാം ന​ല്ല നാ​ളേ​ക്കാ​യി. പ്ര​തീ​ക്ഷ​യാ​ണ​ല്ലോ ജീ​വി​ത​ത്തെ നി​ല​നി​ർ​ത്തു​ന്ന​ത്.