ആകാശയാത്രയിൽ വൻ വർധന

കു​വൈ​ത്ത് സി​റ്റി: ഒ​ക്ടോ​ബ​റി​ൽ കു​വൈ​ത്ത് അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ലേ​ക്കും തി​രി​ച്ചു​മു​ള്ള മൊ​ത്തം യാ​ത്ര​ക്കാ​രു​ടെ എ​ണ്ണം 10,13,505ൽ ​എ​ത്തി​യ​താ​യി ജ​ന​റ​ൽ അ​ഡ്മി​നി​സ്ട്രേ​ഷ​ൻ ഓ​ഫ് സി​വി​ൽ ഏ​വി​യേ​ഷ​ൻ വ്യ​ക്ത​മാ​ക്കി. യാ​ത്ര​ക്കാ​രു​ടെ എ​ണ്ണ​ത്തി​ൽ 11 ശ​ത​മാ​ന​വും വി​മാ​ന ഗ​താ​ഗ​ത​ത്തി​ൽ 27 ശ​ത​മാ​ന​വും വ​ർ​ധ​ന​യു​ണ്ടാ​യി. എ​യ​ർ കാ​ർ​ഗോ ട്രാ​ഫി​ക്കി​ൽ 10 ശ​ത​മാ​നം വ​ർ​ധ​ന​യു​ണ്ടാ​യ​താ​യും ഡി​പ്പാ​ർ​ട്ട്‌​മെ​ന്റ് ആ​ക്ടി​ങ് ഡ​യ​റ​ക്ട​ർ ജ​ന​റ​ൽ ഇ​മാ​ദ് അ​ൽ ജ​ലാ​വി പ​റ​ഞ്ഞു.

ഒ​ക്ടോ​ബ​റി​ൽ രാ​ജ്യ​ത്തെ​ത്തി​യ യാ​ത്ര​ക്കാ​രു​ടെ എ​ണ്ണം 4,47,013ലെ​ത്തി. പു​റ​പ്പെ​ടു​ന്ന യാ​ത്ര​ക്കാ​രു​ടെ എ​ണ്ണം 5,66,492ലെ​ത്തി. മൊ​ത്തം ട്രാ​ൻ​സി​റ്റ് യാ​ത്ര​ക്കാ​രു​ടെ എ​ണ്ണം 1,86,359ഉം ​ആ​യി. ക​ഴി​ഞ്ഞ വ​ർ​ഷം ഒ​ക്ടോ​ബ​റി​നേ​ക്കാ​ൾ 38 ശ​ത​മാ​നം വ​ർ​ധ​ന​യാ​ണി​ത്. ദു​ബൈ, കെ​യ്‌​റോ, ജി​ദ്ദ, ഇ​സ്താം​ബു​ൾ, ദോ​ഹ എ​ന്നി​വ​യാ​യി​രു​ന്നു യാ​ത്ര​ക്കാ​രു​ടെ ഏ​റ്റ​വും ജ​ന​പ്രി​യ ല​ക്ഷ്യ​സ്ഥാ​ന​ങ്ങ​ൾ.

ഒ​ക്‌​ടോ​ബ​റി​ൽ കു​വൈ​ത്ത് ഇ​ന്റ​ർ​നാ​ഷ​ന​ൽ എ​യ​ർ​പോ​ർ​ട്ടി​ലേ​ക്കും തി​രി​ച്ചും സ​ർ​വി​സ് ന​ട​ത്തി​യ മൊ​ത്തം വി​മാ​ന​ങ്ങ​ളു​ടെ എ​ണ്ണം 11,169 ആ​യി ഉ​യ​ർ​ന്നു. ക​ഴി​ഞ്ഞ വ​ർ​ഷം ഇ​തേ കാ​ല​യ​ള​വി​ൽ ഇ​ത് 8,807 ആ​യി​രു​ന്നു. ഒ​ക്ടോ​ബ​റി​ലെ ച​ര​ക്ക് നീ​ക്കം ഏ​ക​ദേ​ശം 19.4 ദ​ശ​ല​ക്ഷം കി​ലോ ആ​ണ്. രാ​ജ്യ​ത്തേ​ക്ക് ഏ​ക​ദേ​ശം 15.2 ദ​ശ​ല​ക്ഷം കി​ലോ ച​ര​ക്കെ​ത്തി. പു​റ​ത്തേ​ക്ക് അ​യ​ച്ച ച​ര​ക്ക് ഏ​ക​ദേ​ശം 4.1 ദ​ശ​ല​ക്ഷം കി​ലോ ആ​ണെ​ന്നും അ​ൽ ജ​ലാ​വി പ​റ​ഞ്ഞു.