​െഎ.സി.എഫ് കണ്ണൂരിലേക്ക്​​ ചാർട്ടേർഡ് വിമാനമയച്ചു

കുവൈത്ത്​ സിറ്റി: ​െഎ.സി.എഫ്​ നാഷനൽ കമ്മിറ്റി കണ്ണൂരിലേക്ക്​ ചാർട്ടേർഡ് വിമാനമയച്ചു. വെള്ളിയാഴ്​ച രാവിലെ 11.15ന്​ കുവൈത്ത് അന്താരാഷ്​ട്ര വിമാനത്താവളത്തിൽ നിന്ന് പുറപ്പെട്ട് ഇന്ത്യൻ സമയം വൈകീട്ട് 6.45ന്​ കണ്ണൂരിലിറങ്ങി.

എട്ടു ഗർഭിണികൾ ഉൾപ്പെടെ 36 വനിതകൾ, 13 കുട്ടികൾ, 23 രോഗികൾ, തൊഴിൽ വിസ റദ്ദാക്കി നാടു പിടിക്കാൻ കാത്തുനിന്നിരുന്നവർ, സന്ദർശക വിസയുടെ കാലാവധി തീർന്നവർ തുടങ്ങി 180 പേരെയാണ്​ ഗോ എയർ വിമാനത്തിൽ യാത്രയാക്കിയത്​.

വിമാനത്തിലെ മുഴുവൻ യാത്രക്കാരും ​െഎ.സി.എഫ്​ വഴി രജിസ്​റ്റർ ചെയ്​തവരായിരുന്നു. അപേക്ഷകരുടെ ബാഹുല്യം മൂലം രണ്ടാം ഘട്ടം വിമാനം ചാർട്ടർ ചെയ്യുന്നതിനുള്ള നടപടികൾ സംഘടന ആരംഭിച്ചിട്ടുണ്ട്.