സ്വാതന്ത്ര്യദിനം: ഇന്ത്യൻ എംബസിയിൽ ആഘോഷം

കുവൈത്ത് സിറ്റി: ആഗസ്റ്റ് 15 ന് ഇന്ത്യയുടെ 77-ാമത് സ്വാതന്ത്ര്യ ദിനം ആഘോഷിക്കാൻ എല്ലാ ഇന്ത്യൻ പൗരന്മാരെയും കുവൈത്തിലെ ഇന്ത്യൻ എംബസി ക്ഷണിച്ചു. രാവിലെ 7.30 ന് എംബസി അങ്കണത്തിൽ ചടങ്ങുകൾ ആരംഭിക്കും.

രാഷ്​ട്ര പിതാവിന്റെ പ്രതിമയിൽ പുഷ്‌പാർച്ചന നടത്തിയാണ് ചടങ്ങുകൾ ആരംഭിക്കുക. തുടർന്ന് അംബാസഡർ ഡോ.ആദർശ് സ്വൈക ദേശീയ പതാക ഉയർത്തും. തുടർന്ന് ദേശീയഗാനാലാപനം, രാഷ്​ട്രപതിയുടെ സ്വാതന്ത്ര്യദിന സന്ദേശം വായിക്കൽ എന്നിവ നടക്കും. എംബസിയിൽ നടക്കുന്ന ചടങ്ങുകളിൽ പൊതുജനങ്ങൾക്കു പ​ങ്കെടുക്കാം. പരിപാടിക്ക് എത്തുന്നവർ മുൻകൂട്ടി രജിസ്റ്റർ ചെയ്യണം. https://forms.gle/77nzi1ZEZezms53v6 എന്ന ലിങ്കുവഴി രജിസ്റ്റർ ചെയ്യാം.