ഇന്ത്യൻ കമ്യൂണിറ്റി സ്​കൂൾ ഖൈത്താൻ ഒാൺലൈൻ ​കലോത്സവം

കുവൈത്ത്​ സിറ്റി: ഇന്ത്യൻ കമ്യൂണിറ്റി സ്​കൂൾ ഖൈത്താൻ ഒാൺലൈൻ ​കലോത്സവം സംഘടിപ്പിച്ചു. കോവിഡ്​ പശ്ചാത്തലത്തിൽ സ്​കൂൾ പ്രവർത്തിക്കാത്തതിനാലാണ്​ ഒാൺലൈൻ കലോത്സവം നടത്തിയത്​.

കുട്ടികൾ വീട്ടിലിരുന്ന്​ അവതരിപ്പിച്ച കലാപരിപാടികൾ ഒാൺലൈനിലൂടെ പ്രദർശിപ്പിച്ചു. പ്രിൻസിപ്പൽ കെ. ഗംഗാധർ ശിർഷാദ്​ ഉദ്​ഘാടനം നിർവഹിച്ചു. കെ.ജി മുതൽ 12 വരെ ക്ലാസുകളിലെ കുട്ടികൾ വൈവിധ്യമാർന്ന പരിപാടികൾ അവതരിപ്പിച്ചു.നൃത്തം, പ്രച്ഛന്നവേഷം​, കഥപറച്ചിൽ, മോണോ ആക്​ട്​, ഉപകരണ സംഗീതം, ഗാനം, ചിത്രരചന, ​ശിൽപകല, ചർച്ച, ക്വിസ്​ തുടങ്ങി പരിപാടികളുണ്ടായി.