ഇ​ന്ത്യ​ൻ എം​ബ​സി കോ​ൺ​സു​ല​ർ ക്യാ​മ്പ്: നി​ര​വ​ധി​പേ​ർ പ​​ങ്കെ​ടു​ത്തു

കു​വൈ​ത്ത് സി​റ്റി: കു​വൈ​ത്തി​ലെ വി​ദൂ​ര പ്ര​ദേ​ശ​ങ്ങ​ളി​ൽ താ​മ​സി​ക്കു​ന്ന ഇ​ന്ത്യ​ൻ പൗ​ര​ന്മാ​രു​ടെ വീ​ട്ടു​പ​ടി​ക്ക​ൽ കോ​ൺ​സു​ല​ർ സേ​വ​ന​ങ്ങ​ൾ എ​ത്തി​ക്കു​ന്ന​തി​നു​ള്ള ശ്ര​മ​ങ്ങ​ളു​ടെ ഭാ​ഗ​മാ​യി ഇ​ന്ത്യ​ൻ എം​ബ​സി ജ​ഹ്‌​റ​യി​ൽ കോ​ൺ​സു​ല​ർ ക്യാ​മ്പ് ന​ട​ത്തി. രാ​വി​ലെ ഒ​മ്പ​തു​മു​ത​ൽ വൈ​കീ​ട്ട് മൂ​ന്നു​വ​രെ ന​ട​ന്ന ക്യാ​മ്പി​ൽ നി​ര​വ​ധി​പേ​ർ സേ​വ​ന​ങ്ങ​ൾ പ്ര​യോ​ജ​ന​പ്പെ​ടു​ത്തി.

അം​ബാ​സ​ഡ​ർ ഡോ. ​ആ​ദ​ർ​ശ് സ്വൈ​ക മ​റ്റ് എം​ബ​സി ഉ​ദ്യോ​ഗ​സ്ഥ​ർ എ​ന്നി​വ​ർ ക്യാ​മ്പ് സ​ന്ദ​ർ​ശി​ക്കു​ക​യും ജ​ന​ങ്ങ​ളു​മാ​യി ആ​ശ​യ​വി​നി​മ​യം ന​ട​ത്തു​ക​യും ചെ​യ്തു. ജ​ഹ്റ വ​ഹാ ഏ​രി​യ​യി​ൽ ബോ​ക്സ് ന​മ്പ​ർ-2, സ്ട്രീ​റ്റ് ന​മ്പ​ർ-6, ഹൗ​സ് ന​മ്പ​ർ-2 ലെ ​ഡോ​ഡി കി​ഡ്സ് ന​ഴ്സ​റി​യി​ലാ​ണ് ക്യാ​മ്പ് സം​ഘ​ടി​പ്പി​ച്ച​ത്. പാ​സ്​​പോ​ർ​ട്ട് പു​തു​ക്ക​ൽ (ഓ​ൺ​ലൈ​ൻ അ​പേ​ക്ഷ സ​മ​ർ​പ്പി​ക്ക​ൽ, ഫോ​ട്ടോ എ​ടു​പ്പ് അ​ട​ക്കം), റി​ലേ​ഷ​ൻ​ഷി​പ് സ​ർ​ട്ടി​ഫി​ക്ക​റ്റ്, ഡ്രൈ​വി​ങ് ലൈ​സ​ൻ​സ് എ​ക്സ്ട്രാ​ക്ട്, ജ​ന​റ​ൽ പ​വ​ർ അ​റ്റോ​ണി, സി​ഗ്നേ​ച്ച​ർ അ​റ്റ​സ്റ്റേ​ഷ​ൻ, മ​റ്റു പൊ​തു രേ​ഖ​ക​ളു​ടെ സാ​ക്ഷ്യ​പ്പെ​ടു​ത്ത​ൽ എ​ന്നി​വ​ക്കെ​ല്ലാം ക്യാ​മ്പി​ൽ സൗ​ക​ര്യം ഒ​രു​ക്കി​യി​രു​ന്നു.

രേ​ഖ​ക​ളും സ​ർ​ട്ടി​ഫി​ക്ക​റ്റു​ക​ളും ക്യാ​മ്പി​ൽ വെ​ച്ചു​ത​ന്നെ അ​റ്റ​സ്റ്റ് ചെ​യ്ത് വാ​ങ്ങാ​നും അ​പേ​ക്ഷ​ക​ർ​ക്കാ​യി. ഇ​ന്ത്യ​ൻ ഡോ​ക്‌​ടേ​ഴ്‌​സ് ഫോ​റം (ഐ.​ഡി.​എ​ഫ്) സ​ഹ​ക​ര​ണ​ത്തോ​ടെ സൗ​ജ​ന്യ വൈ​ദ്യ​പ​രി​ശോ​ധ​ന​യും ക്യാ​മ്പി​ൽ സം​ഘ​ടി​പ്പി​ച്ചു.