ഗോ ഫ​സ്റ്റ് സ​ർ​വി​സ് ഉ​ട​ൻ പു​ന​രാ​രം​ഭി​ക്കും

കു​വൈ​ത്ത് സി​റ്റി: നി​ർ​ത്തി​വെ​ച്ച ഗോ ​ഫ​സ്റ്റ് എ​യ​ർ​ലൈ​ൻ​സ് സ​ർ​വി​സു​ക​ൾ വൈ​കാ​തെ പു​ന​രാ​രം​ഭി​ക്കു​മെ​ന്ന് സൂ​ച​ന. ക​മ്പ​നി​യു​ടെ പാ​പ്പ​ർ ഹ​ര​ജി ക​മ്പ​നി നി​യ​മ ട്രൈ​ബ്യൂ​ണ​ൽ ബു​ധ​നാ​ഴ്ച അം​ഗീ​ക​രി​ച്ചി​ട്ടു​ണ്ട്. ഇ​തു​പ്ര​കാ​ര​മു​ള്ള ന​ട​പ​ടി​ക​ൾ ക​മ്പ​നി​യി​ൽ അ​നു​കൂ​ല​മാ​യ മാ​റ്റ​ങ്ങ​ൾ വ​രു​ത്തു​മെ​ന്നാ​ണ് പ്ര​തീ​ക്ഷ. കു​വൈ​ത്തി​ൽ​നി​ന്ന് ക​ണ്ണൂ​രി​ലേ​ക്കും തി​രി​ച്ചു​മു​ള്ള ഗോ ​ഫ​സ്റ്റ് സ​ർ​വി​സ് നി​ർ​ത്തി​യ​ത് പ്ര​വാ​സി​ക​ൾ​ക്ക് വ​ലി​യ പ്ര​യാ​സം സൃ​ഷ്ടി​ച്ചി​രു​ന്നു.

നി​ല​വി​ൽ മേ​യ് 19 വ​രെ​യു​ള്ള സ​ർ​വി​സു​ക​ൾ റ​ദ്ദാ​ക്കി​യി​ട്ടു​ണ്ട്. മേയ് 24 മുതൽ കു​വൈ​ത്തി​ൽ​നി​ന്ന് സ​ർ​വി​സ് പു​ന​രാ​രം​ഭി​ക്കു​മെ​ന്ന് ഗോ ​ഫ​സ്റ്റ് അ​ധി​കൃ​ത​ർ സൂ​ച​ന ന​ൽ​കി. ഈ ​മാ​സം ആ​ദ്യം മു​ത​ലാ​ണ് ഗോ ​ഫ​സ്റ്റ് സ​ർ​വി​സു​ക​ൾ താ​ളം​തെ​റ്റി​യ​ത്. മേ​യ് മൂ​ന്നു മു​ത​ൽ അ​ഞ്ചു​വ​രെ​യാ​ണ് ആ​ദ്യം സ​ർ​വി​സു​ക​ൾ റ​ദ്ദാ​ക്കി​യ​ത്. തു​ട​ർ​ദി​വ​സ​ങ്ങ​ളി​ൽ സ​ർ​വി​സ് ആ​രം​ഭി​ക്കു​മെ​ന്നാ​യി​രു​ന്നു പ്ര​തീ​ക്ഷ.

എ​ന്നാ​ൽ, അ​ടു​ത്ത ഘ​ട്ട​ത്തി​ൽ ഒ​മ്പ​തു​വ​രെ​യും പി​ന്നീ​ട് 19 വ​രെ​യും നീ​ട്ടു​ക​യാ​യി​രു​ന്നു. സ​ർ​വി​സ് റ​ദ്ദാ​ക്കി​യ ദി​വ​സ​ങ്ങ​ളി​ൽ ടി​ക്ക​റ്റ് എ​ടു​ത്ത​വ​ർ​ക്ക് വൈ​കാ​തെ പ​ണം റീ​ഫ​ണ്ട് ചെ​യ്യു​മെ​ന്നും യാ​ത്ര റീ​ഷെ​ഡ്യൂ​ൾ ചെ​യ്യാ​ൻ ഇ​വ​ർ​ക്ക് അ​വ​സ​രം ഉ​ണ്ടാ​കു​മെ​ന്നും അ​ധി​കൃ​ത​ർ അ​റി​യി​ച്ചു.

കു​വൈ​ത്തി​ൽ​നി​ന്ന് ക​ണ്ണൂ​രി​ലേ​ക്ക് ശ​നി, വ്യാ​ഴം, ചൊ​വ്വ ദി​വ​സ​ങ്ങ​ളി​ലാ​യാ​ണ് ഗോ ​ഫ​സ്റ്റ് സ​ർ​വി​സ് ന​ട​ത്തി​യി​രു​ന്ന​ത്. അ​വ​ധി​ക്കാ​ലം വ​രാ​നി​രി​ക്കെ നി​ര​വ​ധി പേ​ർ ഈ ​വി​മാ​ന​ത്തി​ന് കു​വൈ​ത്തി​ൽ​നി​ന്ന് മു​ൻ​കൂ​ട്ടി ടി​ക്ക​റ്റ് എ​ടു​ത്തി​ട്ടു​ണ്ട്. സ​ർ​വി​സ് പു​ന​രാ​രം​ഭി​ക്കു​ന്ന​ത് ഇ​വ​ർ​ക്ക് ആ​ശ്വാ​സ​മാ​കും.

ക​മ്പ​നി​യു​ടെ പാ​പ്പ​ർ ഹ​ര​ജി ക​മ്പ​നി നി​യ​മ ട്രൈ​ബ്യൂ​ണ​ൽ അം​ഗീ​ക​രി​ച്ച​തോ​ടെ ഗോ ​ഫ​സ്റ്റി​ന്റെ ആ​സ്തി​ക​ളും പാ​ട്ട​വും വാ​യ്പ ന​ൽ​കി​യ​വ​രും വാ​ട​ക​ക്ക് കൊ​ടു​ത്ത​വ​രും വീ​ണ്ടെ​ടു​ക്കു​ന്ന​തി​ൽ​നി​ന്ന് മൊ​റ​ട്ടോ​റി​യ​ത്തി​നു കീ​ഴി​ൽ സം​ര​ക്ഷ​ണം ല​ഭി​ക്കും. പ്ര​ഫ​ഷ​ന​ലു​ക​ൾ അ​ട​ങ്ങു​ന്ന സം​ഘം ക​മ്പ​നി​യു​ടെ ഇ​ട​ക്കാ​ല ഭ​ര​ണം ഏ​റ്റെ​ടു​ക്കും.