ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ ഊ​ർജി​തം; മു​ഖം മി​നു​ക്കാ​ൻ ഒ​രു​ങ്ങി സൂ​ക്ക് മു​ബാ​റ​ക്കി​യ

കു​വൈ​ത്ത് സി​റ്റി: കു​വൈ​ത്തി​ലെ ഏ​റ്റ​വും പ​ഴ​ക്ക​മേ​റി​യ മാ​ര്‍ക്ക​റ്റാ​യ സൂ​ഖ് മു​ബാ​റ​ക്കി​യ​യി​ലെ ന​വീ​ക​ര​ണ പ്ര​വ​ര്‍ത്ത​ന​ങ്ങ​ള്‍ ആ​റു മാ​സ​ത്തി​നു​ള്ളി​ല്‍ പൂ​ര്‍ത്തി​യാ​കും. അ​ടി​സ്ഥാ​ന സൗ​ക​ര്യ​ങ്ങ​ൾ​ക്കാ​യു​ള്ള പു​ന​ർ​നി​ർ​മാ​ണ പ്ര​വ​ർ​ത്ത​ന​ങ്ങ​ൾ ഊ​ജി​ത​മാ​യി ന​ട​ക്കു​ക​യാ​ണ്. ആ​റു ദ​ശ​ല​ക്ഷം ദീ​നാ​ർ ചെല​വ​ഴി​ച്ചാ​ണ് ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ ന​ട​ക്കു​ന്ന​ത്.

ര​ണ്ട​ര വ​ർ​ഷം മു​മ്പ് മു​ബാ​റ​ക്കി​യ സൂ​ക്കി​ല്‍ ന​ട​ന്ന തീ​പി​ടു​ത്തം മാ​ര്‍ക്ക​റ്റി​ലെ ഒ​രു ഭാ​ഗ​ത്തെ കാ​ര്യ​മാ​യി ബാ​ധി​ച്ചി​രു​ന്നു. ഇ​തി​ന് മ​റി​ക​ട​ക്കു​ന്ന നി​ല​യി​ലാ​ണ് പു​ന​ർ​നി​ർ​മാ​ണ പ്ര​വ​ര്‍ത്ത​ന​ങ്ങ​ള്‍. പ​ദ്ധ​തി പൂ​ര്‍ത്തി​യാ​കു​ന്ന​തോ​ടെ സൂ​ഖ് മു​ബാ​റ​കി​യ കൂ​ടു​ത​ൽ മി​ക​വാ​ർ​ന്ന രൂ​പ​ത്തി​ലാ​കും. പൊ​തു​മ​രാ​മ​ത്ത് മ​ന്ത്രി ഡോ. ​നൂ​റ അ​ൽ മ​ഷാ​ന്റെ നേ​തൃ​ത്വ​ത്തി​ലാ​ണ് പു​ന​ർ​നി​ർ​മാ​ണ പ്ര​ക്രി​യ.

സൂ​ക്ക് മു​ബാ​റ​ക്കി​യ​യി​ലെ മാ​ർ​ക്ക​റ്റു​ക​ൾ, പാ​ർ​ക്കി​ങ് സ്ഥ​ല​ങ്ങ​ൾ, അ​വ​ക്ക് സ​മീ​പ​മു​ള്ള വാ​ണി​ജ്യ മേ​ഖ​ല​ക​ൾ, മു​നി​സി​പ്പ​ൽ പാ​ർ​ക്ക് എ​ന്നി​വ ഇ​തി​ന്റെ ഭാ​ഗ​മാ​യി വി​ക​സി​പ്പി​ക്കു​ന്ന പ​ദ്ധ​തി​യും ഉ​ണ്ട്. പ​ഴ​യ​മ​യും പാ​ര​മ്പ​ര്യ​വും നി​ല​നി​ർ​ത്തി​യാ​ണ് നി​ർ​മാ​ണ പ്ര​വ​ർ​ത്ത​ന​ങ്ങ​ൾ എ​ല്ലാം.

കു​വൈ​ത്തി​ന്‍റെ ഏ​റ്റ​വും പൗ​രാ​ണി​ക​മാ​യ മാ​ര്‍ക്ക​റ്റു​ക​ളി​ല്‍ ഒ​ന്നാ​ണ് സൂ​ഖ് മു​ബാ​റ​ക്കി​യ. കു​റ​ഞ്ഞ​ത് 200 വ​ർ​ഷ​മെ​ങ്കി​ലും ഈ ​അ​ങ്ങാ​ടി​ക്ക് പ​ഴ​ക്ക​മു​ണ്ട്. പ​ഴ​യ​മ​യും പാ​ര​മ്പ​ര്യ​വും ഇ​ഴ​ചേ​രു​ന്ന ഇ​വി​ടം നി​ര​വ​ധി മാ​ര്‍ക്ക​റ്റു​ക​ളു​ടെ സ​മു​ച്ച​യ​മാ​ണ്. 21,000 ത്തോ​ളം വ്യാ​പാ​ര സ​ഥാ​പ​ന​ങ്ങ​ൾ ഇ​വി​ടെ​യു​ണ്ട്.

കു​വൈ​ത്ത് സി​റ്റി​യി​ൽ അ​ബ്ദു​ല്ല അ​ൽ മു​ബാ​റ​ക്, അ​ബ്ദു​ല്ല അ​ൽ സ​ലേം, ഫ​ല​സ്തീ​ൻ സ്ട്രീ​റ്റു​ക​ൾ എ​ന്നി​വ​ക്കി​ട​യി​ലാ​ണ് 1,31,000 ച​തു​ര​ശ്ര മീ​റ്റ​ർ വി​സ്തീ​ർ​ണ​മു​ള്ള മു​ബാ​റ​കി​യ സ്ഥി​തി ചെ​യ്യു​ന്ന​ത്.സൂ​ഖ് മു​ബാ​റ​ക്കി​യ​യി​ൽ നാ​ഷ​ന​ൽ കൗ​ൺ​സി​ൽ ഫോ​ർ ക​ൾ​ച്ച​ർ ആ​ർ​ട്സ് ആ​ൻ​ഡ് ലി​റ്റ​റേ​ച്ച​റി​ന്റെ നേ​തൃ​ത്വ​ത്തി​ൽ സൗ​ന്ദ​ര്യ​വ​ത്ക്ക​ര​ണ പ​ദ്ധ​തി​ക​ളും ന​ട​ന്നു​വ​രി​യാ​ണ്.

ഇ​തി​ന്റെ ഭാ​ഗ​മാ​യി അ​ടു​ത്തി​ടെ മ​നോ​ഹ​ര​മാ​യ ഹു​പ്പു പ​ക്ഷി​യു​ടെ ചി​ത്രം വ​ര​ച്ചു​ചേ​ർ​ത്തി​രു​ന്നു. ബ്രി​ട്ടീ​ഷ് ചി​ത്ര​കാ​രി മേ​ഗ​ൻ റ​സ്സ​ലും കു​വൈ​ത്ത് ചി​ത്ര​കാ​ര​ൻ യൂ​സു​ഫ് സാ​ലി​ഹു​മാ​ണ് ച​രി​ത്ര​പ്രാ​ധാ​ന്യ​മു​ള്ള സൂ​ഖി​ൽ ചി​ത്രം തീ​ർ​ത്ത​ത്.