തീ​വ്ര സു​ര​ക്ഷാ പ​രി​ശോ​ധ​ന തു​ട​രു​ന്നു; നി​ര​വ​ധി പേ​ർ പി​ടി​യി​ൽ

കു​വൈ​ത്ത് സി​റ്റി: പൊ​തു സു​ര​ക്ഷ, നി​യ​മ​ലം​ഘ​ക​രെ പി​ടി​കൂ​ട​ൽ, ക്ര​മ​സ​മാ​ധാ​നം എ​ന്നി​വ ല​ക്ഷ്യ​മി​ട്ട് രാ​ജ്യ​ത്തു​ട​നീ​ളം ശ​ക്ത​മാ​യ പ​രി​ശോ​ധ​ന തു​ട​രു​ന്നു. വെ​ള്ളി​യാ​ഴ്ച മു​ബാ​റ​ക് അ​ൽ ക​ബീ​ർ ഗ​വ​ർ​ണ​റേ​റ്റ് സെ​ക്യൂ​രി​റ്റി ഡ​യ​റ​ക്ട​റേ​റ്റ് സ​ബാ​ഹ് അ​ൽ സാ​ലിം ഏ​രി​യ​യി​ൽ വി​പു​ല​മാ​യ സു​ര​ക്ഷാ കാ​മ്പ​യി​ൻ ന​ട​ത്തി. വി​വി​ധ നി​യ​മ​ലം​ഘ​ക​രെ പ​രി​ശോ​ധ​ന​യി​ൽ പി​ടി​കൂ​ടി. വ്യാ​ഴാ​ഴ്ച ആ​റ് ഗ​വ​ർ​ണ​റേ​റ്റു​ക​ളി​ലും വി​വി​ധ ഇ​ട​ങ്ങ​ളി​ൽ പ​രി​ശോ​ധ​ന ന​ട​ത്തി​യി​രു​ന്നു. ഖൈ​ത്താ​ൻ, ഫ​ർ​വാ​നി​യ, അ​ബ്ബാ​സി​യ, മു​ത്‌​ല, മ​ഹ്‌​ബൂ​ല എ​ന്നി​വി​ട​ങ്ങ​ളി​ൽ ന​ട​ന്ന പ​രി​ശോ​ധ​ന​യി​ൽ വി​വി​ധ നി​യ​മ​ലം​ഘ​ന​ങ്ങ​ൾ ക​ണ്ടെ​ത്തി.

ജ​ന​റ​ൽ ട്രാ​ഫി​ക് ഡി​പ്പാ​ർ​ട്ട്‌​മെ​ന്‍റ്, ജ​ന​റ​ൽ ഡി​പ്പാ​ർ​ട്ട്‌​മെ​ന്‍റ് ഓ​ഫ് റെ​സ്‌​ക്യൂ പൊ​ലീ​സ്, പ​ബ്ലി​ക് സെ​ക്യൂ​രി​റ്റി സെ​ക്ട​ർ, ജ​ന​റ​ൽ ഡി​പ്പാ​ർ​ട്ട്‌​മെ​ന്‍റ് ഓ​ഫ് സ്‌​പെ​ഷൽ സെ​ക്യൂ​രി​റ്റി ഫോ​ഴ്‌​സ്, വ​നി​താ പൊ​ലീ​സ് എ​ന്നി​വ ഉ​ൾ​പ്പെ​ടു​ന്ന സം​ഘ​ത്തി​ന്റെ ഏ​കോ​പ​ന​ത്തി​ലാ​ണ് മി​ക്ക​യി​ട​ത്തും പ​രി​ശോ​ധ​ന ന​ട​ത്തു​ന്ന​ത്. പ​ല​യി​ട​ത്തും ഒ​ന്നാം ഉ​പ​പ്ര​ധാ​ന​മ​ന്ത്രി​യും ആ​ഭ്യ​ന്ത​ര-​പ്ര​തി​രോ​ധ മ​ന്ത്രി​യു​മാ​യ ശൈ​ഖ് ഫ​ഹ​ദ് യൂ​സ​ഫ് അ​സ്സ​ബാ​ഹി​ന്റെ നേ​രി​ട്ടു​ള്ള നേ​തൃ​ത്വ​ത്തി​ലാ​യി​രു​ന്നു പ​രി​ശോ​ധ​ന​ക​ൾ.

രാ​ജ്യ​ത്തെ ക്ര​മ​സ​മാ​ധാ​ന​പാ​ല​ന​ത്തി​ന്റെ ഭാ​ഗ​മാ​ണ് പ​രി​ശോ​ധ​ന​ക​ളെ​ന്ന് ആ​ഭ്യ​ന്ത​ര മ​ന്ത്രാ​ല​യം വ്യ​ക്ത​മാ​ക്കി. നി​യ​മ​ലം​ഘ​ക​രെ​യും കു​റ്റ​വാ​ളി​ക​ളെ​യും പി​ടി​കൂ​ടു​ന്ന​തി​ലൂ​ടെ കു​റ്റ​കൃ​ത്യ​ങ്ങ​ൾ കു​റ​ക്കാ​നും അ​ന​ധി​കൃ​ത താ​മ​സ​ക്കാ​രെ​യും ക​ണ്ടെ​ത്താ​നാ​കു​മെ​ന്നാ​ണ് പ്ര​തീ​ക്ഷ. ഒ​രോ പ്ര​ദേ​ശ​ങ്ങ​ളി​ലേ​ക്കു​മു​ള്ള വ​ഴി​ക​ളി​ൽ സു​ര​ക്ഷാ വീ​ഴ്ച​യി​ല്ലാ​തെ പ​ഴു​ത​ട​ച്ചാ​ണ് പ​രി​ശോ​ധ​ന. കാ​ൽ​ന​ട​ക്കാ​രെ​യും വാ​ഹ​ന​ങ്ങ​ളി​ലും പ​രി​ശോ​ധ​ന ശ​ക്ത​മാ​ണ്.