ഇ​ന്റ​ർ​നെ​റ്റ് ത​ട​സ്സം സേ​വ​ന​ങ്ങ​ളെ ഭാ​ഗി​ക​മാ​യി ബാ​ധി​ച്ചു

കു​വൈ​ത്ത് സി​റ്റി: അ​ന്ത​ർ​വാ​ഹി​നി കേ​ബ്ൾ ത​ക​രാ​ർ രാ​ജ്യ​ത്തെ ഇ​ന്റ​ർ​നെ​റ്റ് സേ​വ​ന​ങ്ങ​ളെ ഭാ​ഗി​ക​മാ​യി ബാ​ധി​ച്ചു. കു​വൈ​ത്തി​നെ സൗ​ദി അ​റേ​ബ്യ​യി​ലെ അ​ൽ ഖോ​ബാ​റു​മാ​യി ബ​ന്ധി​പ്പി​ക്കു​ന്ന കു​വൈ​ത്ത് ടെ​റി​ട്ടോ​റി​യ​ൽ ജ​ല​ത്തി​ന് പു​റ​ത്ത് സ്ഥി​തി​ചെ​യ്യു​ന്ന ഭാ​ഗ​ത്താ​ണ് ഫൈ​ബ​ർ കേ​ബ്ള്‍ (ഫാ​ൽ​ക്ക​ൺ) ത​ക​രാ​ർ റി​പ്പോ​ര്‍ട്ട് ചെ​യ്ത​ത്.

ഇ​ത് ബു​ധ​നാ​ഴ്ച രാ​ജ്യ​ത്താ​ക​മാ​നം ഇ​ന്റ​ർ​നെ​റ്റ് സേ​വ​ന​ങ്ങ​ളെ ബാ​ധി​ച്ചു. വി​ഷ​യ​ത്തി​ൽ അ​ടി​യ​ന്ത​ര​മാ​യി ഇ​ട​പെ​ട്ട ക​മ്യൂ​ണി​ക്കേ​ഷ​ൻ​സ് ആ​ൻ​ഡ് ഇ​ൻ​ഫ​ർ​മേ​ഷ​ൻ ടെ​ക്‌​നോ​ള​ജി റെ​ഗു​ലേ​റ്റ​റി അ​തോ​റി​റ്റി (സി​ട്ര) പ്ര​ശ്ന​പ​രി​ഹാ​ര​ത്തി​നാ​യി ശ്ര​മം ആ​രം​ഭി​ച്ചു.

നി​ല​വി​ല്‍ 30 ശ​ത​മാ​ന​ത്തി​ലേ​റെ ഇ​ന്റ​ർ​നെ​റ്റ് സേ​വ​ന​ങ്ങ​ൾ അ​ന്താ​രാ​ഷ്ട്ര കേ​ബ്ളു​ക​ളി​ൽ പു​നഃ​സ്ഥാ​പി​ച്ചി​ട്ടു​ണ്ട്. അ​ടു​ത്ത 24 മ​ണി​ക്കൂ​റി​നു​ള്ളി​ൽ മു​ഴു​വ​ൻ സേ​വ​ന​വും പു​നഃ​സ്ഥാ​പി​ക്കു​മെ​ന്ന് പ്ര​തീ​ക്ഷി​ക്കു​ന്ന​താ​യി സി​ട്ര വ്യാ​ഴാ​ഴ്ച അ​റി​യി​ച്ചു. ഗ്ലോ​ബ​ൽ ക്ലൗ​ഡ് എ​ക്സ്ചേ​ഞ്ച് (ജി.​സി.​എ​ക്സ്) ഉ​ട​മ​സ്ഥ​ത​യി​ലാ​ണ് ഫാ​ൽ​ക്ക​ൺ അ​ന്ത​ർ​വാ​ഹി​നി ഫൈ​ബ​ർ കേ​ബ്ള്‍. ജി.​സി.​എ​ക്സു​മാ​യി സ​ഹ​ക​രി​ച്ച് ആ​വ​ശ്യ​മാ​യ സാ​ങ്കേ​തി​ക അ​റ്റ​കു​റ്റ​പ്പ​ണി​ക​ൾ ചെ​യ്ത് വ​രു​ന്ന​താ​യി സി​ട്ര അ​റി​യി​ച്ചു.

ഇ​ന്റ​ർ​നെ​റ്റ് സേ​വ​ന തു​ട​ർ​ച്ച ഉ​റ​പ്പാ​ക്കു​ന്ന​തി​നാ​യി ബ​ദ​ൽ അ​ന്താ​രാ​ഷ്ട്ര കേ​ബ്ളു​ക​ളി​ലൂ​ടെ ഡേ​റ്റ ട്രാ​ഫി​ക് വ​ഴി​തി​രി​ച്ചു​വി​ടാ​ൻ ഇ​ന്റ​ർ​നെ​റ്റ് സേ​വ​ന ദാ​താ​ക്ക​ളു​മാ​യി പ്ര​വ​ര്‍ത്തി​ക്കു​ന്ന​താ​യും സി​ട്ര വ്യ​ക്ത​മാ​ക്കി.