ഇ​സ്രാ​യേ​ലി​ന്റേ​ത് ബോ​ധ​പൂ​ർ​വ ലം​ഘ​ന​ങ്ങ​ൾ -കു​വൈ​ത്ത് പ്രതിനിധി

കു​വൈ​ത്ത് സി​റ്റി: ഗ​സ്സ​യി​ൽ ക്രൂ​ര​മാ​യ ആ​ക്ര​മ​ണ​ങ്ങ​ൾ തു​ട​രു​ന്ന ഇ​സ്രാ​യേ​ൽ ഐ​ക്യ​രാ​ഷ്ട്ര​സ​ഭ, അ​ന്താ​രാ​ഷ്ട്ര നി​യ​മ​ങ്ങ​ൾ എ​ന്നി​വ​യു​ടെ ബോ​ധ​പൂ​ർ​വ​മാ​യ ലം​ഘ​ന​മാ​ണ് ന​ട​ത്തു​ന്ന​തെ​ന്ന് കു​വൈ​ത്ത് ആ​വ​ർ​ത്തി​ച്ചു. പ്ര​ത്യേ​ക രാ​ഷ്ട്രീ​യ പ്ര​ശ്‌​ന​ങ്ങ​ളും അ​പ​കോ​ള​നി​വ​ത്ക​ര​ണ​വു​മാ​യി ബ​ന്ധ​പ്പെ​ട്ട യു.​എ​ൻ ജ​ന​റ​ൽ അ​സം​ബ്ലി​യു​ടെ നാ​ലാ​മ​ത്തെ ക​മ്മി​റ്റി​ക്ക് മു​മ്പാ​കെ കു​വൈ​ത്ത് സ്ഥി​രം പ്ര​തി​നി​ധി ഫ​ഹ​ദ് അ​ൽ അ​ജ്മി ന​ട​ത്തി​യ പ്ര​സം​ഗ​ത്തി​ലാ​ണ് ഈ ​പ​രാ​മ​ർ​ശ​ങ്ങ​ൾ.

നാം ​ഇ​ന്ന് കാ​ണു​ന്ന​ത് വം​ശ​ഹ​ത്യ​യാ​ണ്, ലോ​കം ഒ​രു കാ​ഴ്ച​ക്കാ​ര​നാ​യി നി​ൽ​ക്കു​ന്നു. ഇ​സ്രാ​യേ​ൽ അ​ധി​നി​വേ​ശ​ത്തെ തെ​റ്റി​ദ്ധ​രി​പ്പി​ക്കു​ന്ന​തും ല​ജ്ജാ​ക​ര​വു​മാ​യ മാ​ധ്യ​മ​ങ്ങ​ൾ​ക്ക് ഇ​ക്കാ​ര്യം മ​റ​ക്കാ​ൻ ക​ഴി​യി​ല്ലെ​ന്നും അ​ൽ അ​ജ്മി പ​റ​ഞ്ഞു.

2015 മു​ത​ൽ 2022 വ​രെ ഇ​സ്രാ​യേ​ൽ അ​ധി​നി​വേ​ശ​ത്തെ അ​പ​ല​പി​ച്ച് 140 പ്ര​മേ​യ​ങ്ങ​ൾ യു.​എ​ൻ പൊ​തു​സ​ഭ അം​ഗീ​ക​രി​ച്ചു.

എ​ന്നാ​ൽ, ഫ​ല​സ്തീ​നി​നെ അ​പ​ല​പി​ക്കു​ന്ന ഒ​രു പ്ര​മേ​യം പോ​ലും ഉ​ണ്ടാ​യി​ട്ടി​ല്ല. പ്ര​ശ്ന​ങ്ങ​ൾ​ക്ക് ദ്വി​രാ​ഷ്ട്ര പ​രി​ഹാ​ര​മാ​ണ് ഏ​ക വ​ഴി​യും പ​രി​ഹാ​ര​വും. ഫ​ല​സ്തീ​ൻ ജ​ന​ങ്ങ​ൾ അ​തി​നെ എ​തി​ർ​ക്കു​ന്നി​ല്ലെ​ന്നും അ​ൽ അ​ജ്മി സൂ​ചി​പ്പി​ച്ചു.