പ്ര​കൃ​തി​സ്നേ​ഹി​ക​ൾ​ക്ക് സ്വാ​ഗ​തം; ജ​ഹ്‌​റ നേ​ച്ച​ർ റി​സ​ർ​വ് ഒ​രു​ങ്ങി

കു​വൈ​ത്ത് സി​റ്റി: മ​രു​ഭൂ​മി​യു​ടെ ചൂ​ടി​ന് കു​ളി​രേ​കു​ന്ന ജ​ഹ്‌​റ നേ​ച്ച​ർ റി​സ​ർ​വ് വീ​ണ്ടും സ​ജ്ജ​മാ​യി. ത​ടാ​ക​ത്തി​ന​രി​കി​ൽ സ​സ്യ​ജ​ന്തു​ജാ​ല​ങ്ങ​ളെ ക​ണ്ട് സ​വി​ശേ​ഷ​മാ​യ അ​ന്ത​രീ​ക്ഷ​ത്തി​ൽ ക​ഴി​യാ​ൻ ഈ ​ശൈ​ത്യ​കാ​ല​ത്ത് ജ​ഹ്റ​യി​ലെ​ത്താം. ന​വീ​ക​ര​ണ പ്ര​വ​ര്‍ത്ത​ന​ങ്ങ​ള്‍ക്കും ഒ​രു​ക്ക​ങ്ങ​ള്‍ക്കും ശേ​ഷം, ജ​ഹ്റ നേ​ച്ച​ര്‍ റി​സ​ര്‍വ് സ​ന്ദ​ർ​ശ​ക​ർ​ക്കാ​യി തു​റ​ന്ന​താ​യി എ​ൻ​വ​യ​ൺ​മെ​ന്റ് പ​ബ്ലി​ക് അ​തോ​റി​റ്റി (ഇ.​പി.​എ) അ​റി​യി​ച്ചു. സ​ന്ദ​ർ​ശ​ന​ത്തി​ന് മു​ൻ​കൂ​ർ ഓ​ൺ​ലൈ​ൻ ബു​ക്കി​ങ് നി​ർ​ബ​ന്ധ​മാ​ണ്. https://khadamat.epa.org.kw/jahra_visits എ​ന്ന സൈ​റ്റി​ലാ​ണ് ര​ജി​സ്റ്റ​ർ ചെ​യ്യേ​ണ്ട​ത്. ത​ടാ​ക​ങ്ങ​ളാ​ണ് കു​വൈ​ത്തി​ലെ മ​റ്റു റി​സ​ര്‍വു​ക​ളി​ല്‍നി​ന്ന് ജ​ഹ്റ നേ​ച്ച​ര്‍ റി​സ​ര്‍വി​നെ വ്യ​ത്യ​സ്ത​മാ​ക്കു​ന്ന​ത്.

പ്രാ​ദേ​ശി​ക പ​ക്ഷി ഇ​ന​ങ്ങ​ളെ കൂ​ടാ​തെ മു​ന്നൂ​റോ​ളം ദേ​ശാ​ട​ന​പ്പ​ക്ഷി​ക​ളും നി​ര​വ​ധി ജീ​വ​ജാ​ല​ങ്ങ​ളും റി​സ​ര്‍വി​ന്റെ സ​മ്പ​ത്താ​ണ്. ക​ട​ലി​നോ​ട് ചേ​ര്‍ന്ന് വ​ള​രു​ന്ന ക​ണ്ട​ല്‍ക്കാ​ടു​ക​ള്‍ ഉ​ള്‍പ്പെ​ടെ 70 ഓ​ളം സ​സ്യ​ഇ​ന​ങ്ങ​ളും ഇ​വി​ടെ​യു​ണ്ട്. 1987ല്‍ ​സം​ര​ക്ഷി​ത പ്ര​ദേ​ശ​മാ​ക്കി മാ​റ്റി​യ പ്ര​ദേ​ശ​ത്തെ ക​ദ്മ എ​ന്നാ​ണ് ജ​ഹ്റ നി​വാ​സി​ക​ള്‍ വി​ളി​ച്ചി​രു​ന്ന​ത്. ഈ​ർ​പ്പം നി​ല​നി​ൽ​ക്കു​ന്ന മ​ണ്ണ്, സ​സ്യ​ജ​ന്തു​ജാ​ല​ങ്ങ​ൾ എ​ന്നി​വ ഈ ​പ്ര​കൃ​തി​ദ​ത്ത റി​സ​ർ​വി​ന്റെ പ്ര​ത്യേ​ക​ത​യാ​ണ്. വ​ട​ക്ക് ഖു​വൈ​സ​ത്ത് മു​ത​ല്‍ തെ​ക്ക് ജാ​ബി​ര്‍ അ​ല്‍ അ​ഹ​മ്മ​ദ് വ​രെ 18 ച​തു​ര​ശ്ര കി.​മീ​റ്റ​ര്‍ വി​സ്തൃ​തി​യി​ലാ​ണ് റി​സ​ര്‍വ് സ്ഥി​തി ചെ​യ്യു​ന്ന​ത്. സ​ന്ദ​ർ​ശ​ന​ത്തി​ന് അ​ഞ്ചോ അ​തി​ല്‍ താ​ഴെ​യോ ആ​ളു​ക​ളു​ടെ ഗ്രൂ​പ്പി​ന് 10 ദീ​നാ​റാ​ണ് പ്ര​വേ​ശ​ന ഫീ​സ്. അ​ധി​ക​മാ​യി വ​രു​ന്ന ഓ​രോ വ്യ​ക്തി​ക്കും ര​ണ്ടു ദീ​നാ​ര്‍ ന​ല്‍ക​ണം.

സ​ന്ദ​ര്‍ശ​ക​ര്‍ വാ​ഹ​ന​ങ്ങ​ള്‍ റി​സ​ര്‍വി​നു പു​റ​ത്ത് പാ​ര്‍ക്ക് ചെ​യ്യ​ണം. ക​ഴി​ഞ്ഞ വ​ർ​ഷ​വും വ​ലി​യ ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ ഇ​വി​ടെ ന​ട​ന്നി​രു​ന്നു.