യൂസുഫിന് യാത്രയയപ്പ് നൽകി കെ.എം.സി.സി
text_fields53 വർഷത്തെ പ്രവാസ ജീവിതം അവസാനിപ്പിച്ച് മടങ്ങുന്ന കോഴിക്കോട് എലത്തൂർ സ്വദേശി യൂസുഫിന് കുവൈത്ത് കെ.എം.സി.സി എലത്തൂർ മണ്ഡലം കമ്മിറ്റി യാത്രയയപ്പ് നൽകിയപ്പോൾ
കുവൈത്ത് സിറ്റി: 53 വർഷത്തെ പ്രവാസ ജീവിതം അവസാനിപ്പിച്ച് മടങ്ങുന്ന കോഴിക്കോട് എലത്തൂർ സ്വദേശി യൂസുഫിന് കുവൈത്ത് കെ.എം.സി.സി എലത്തൂർ മണ്ഡലം കമ്മിറ്റി യാത്രയയപ്പ് നൽകി. 1967 സെപ്റ്റംബർ 21ന് കുവൈത്തിലെത്തിയ അദ്ദേഹം ഇൗ സെപ്റ്റംബർ 22ന് നാട്ടിലേക്ക് പോവും. യാത്രയയപ്പ് യോഗം സംസ്ഥാന പ്രസിഡൻറ് ശറഫുദ്ദീൻ കണ്ണേത്ത് ഉദ്ഘാടനം ചെയ്തു. മണ്ഡലം പ്രസിഡൻറ് ഫിറോസ് നാലകത്ത് അധ്യക്ഷത വഹിച്ചു.
ശറഫുദ്ദീൻ കണ്ണേത്തും സംസ്ഥാന ജനറൽ സെക്രട്ടറി എം.കെ. അബ്ദുൽ റസാഖ് പേരാമ്പ്രയും ചേർന്ന് ഉപഹാരം കൈമാറി. കുവൈത്ത് കെ.എം.സി.സി ഉപദേശക സമിതി വൈസ് ചെയർമാൻ കെ.ടി.പി. അബ്ദുറഹ്മാൻ, എം.കെ. അബ്ദുൽ റസാഖ് പേരാമ്പ്ര, ട്രഷറർ എം.ആർ. നാസർ, സെക്രട്ടറി എൻജിനീയർ മുഷ്താഖ്, കോഴിക്കോട് ജില്ല പ്രസിഡൻറ് ഫാസിൽ കൊല്ലം, സംസ്ഥാന പ്രവർത്തക സമിതി അംഗം അലി കുഞ്ഞി എലത്തൂർ എന്നിവർ സംസാരിച്ചു. എലത്തൂർ മണ്ഡലം ആക്ടിങ് ജനറൽ സെക്രട്ടറി നൗഷാദ് പാവണ്ടൂർ സ്വാഗതം പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.