കല കുവൈത്ത് ക്രിക്കറ്റ് ടൂർണമെന്റ്: ജലീബ് എ യൂനിറ്റ് ജേതാക്കൾ
text_fieldsകല കുവൈത്ത് ക്രിക്കറ്റ് ടൂർണമെന്റ് വിജയിക്ക് ട്രോഫി സമ്മാനിക്കുന്നു
കുവൈത്ത് സിറ്റി: കേരള ആർട്ട് ലവേഴ്സ് അസോസിയേഷൻ കല കുവൈത്ത് അംഗങ്ങൾക്കായി സംഘടിപ്പിച്ച ക്രിക്കറ്റ് ടൂർണമെന്റിൽ ജലീബ് എ യൂനിറ്റ് ടീം ജേതാക്കളായി. മഹ്ബൂല ബി ആൻഡ് ഇ ടീമുകളേയാണ് തോൽപിച്ചത്.
അബു ഹലീഫ ക്രിക്കറ്റ് ഗ്രൗണ്ടിൽ രണ്ട് ദിവസങ്ങളിലായി നടന്ന ടൂർണമെന്റിൽ വിവിധ യൂനിറ്റുകളെ പ്രതിനിധീകരിച്ച് 38 ടീമുകൾ പങ്കെടുത്തു. ജലീബ് ബി ടീമിലെ സുമേഷിനെ പ്ലെയർ ഓഫ് ദ ടൂർണമെന്റായും ജലീബ് എ ടീമിലെ സുബിനെ പ്ലെയർ ഓഫ് ദ മാച്ചായും തിരഞ്ഞെടുത്തു.
ജലീബ് സി ടീമിലെ റഫീഖിനെ മികച്ച ബാറ്റ്സ്മാനും ജലീബ് എ യൂനിറ്റിലെ റിമിത്തിനെ മികച്ച ബോളറുമായും തിരഞ്ഞെടുത്തു. വിജയികൾക്കുള്ള ട്രോഫികൾ കല പ്രസിഡന്റ് കെ.കെ. ശൈമേഷ്, ട്രഷറർ അജ്നാസ് മുഹമ്മദ്, ജോ.സെക്രട്ടറി പ്രജോഷ്, വൈസ് പ്രസിഡന്റ് ബിജോയ്, മേഖല സെക്രട്ടറിമാരായ രഞ്ജിത്ത് ടി.എം, ജ്യോതിഷ്, നവീൻ കേന്ദ്രകമ്മിറ്റി അംഗങ്ങൾ, മേഖല പ്രസിഡന്റുമാർ എന്നിവർ സമ്മാനിച്ചു. ടൂർണമെന്റ് ആദ്യ ദിനം ലോക കേരള സഭ അംഗം ആർ. നാഗനാഥൻ ഉദ്ഘാടനം ചെയ്തു.

Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.